சாமியார்பேட்டை மீன் இறங்கு தளம்: முதல்வர் காணொளி மூலம் திறப்பு

பரங்கிப்பேட்டை:சாமியார்பேட்டையில் 2.50 கோடி ரூபாய் மதிப்பில் கட்டப்பட்டுள்ள வலை பின்னும் கூடம், மீன் இறங்கு தளம் கட்டடங்களை முதல்வர் ஜெ., காணொளி மூலம் நேற்று திறந்து வைத்தார்.பரங்கிப்பேட்டை ஒன்றியத்துக்குட்பட்ட சாமியார்பேட்டையில் மீன் வளத்துறை சார்பில், 2.50 கோடி ரூபாய் மதிப்பில் மீன் இறங்கு தளம், வலை பின்னும் கூடம், சோலார் விளக்குகளுடன் கூடிய அலுவலகம், மீன் ஏலக்கூடம், சிமென்ட் சாலை, மீன் உலர்களம் உள்ளிட்ட பணிகள் கடந்த 6 மாதத்திற்கு முன் செய்து முடிக்கப்பட்டது.

இந்நிலையில் நேற்று, இந்த கட்டடங்கள் மற்றும் சாலையை தமிழக முதல்வர் ஜெ., காணொளி மூலம் திறந்து வைத்தார்.அதனையொட்டி பரங்கிப்பேட்டை சேர்மன் தலைமையில் பொதுமக்களுக்கு இனிப்பு வழங்கப்பட்டது. , பரங்கிப்பேட்டை மீன் வளத்துறை சார் ஆய்வாளர்  உதவி பொறியாளர்  ஒன்றிய கவுன்சிலர்கள்  கிராம நிர்வாகிகள் உட்பட பலர் பங்கேற்றனர்.
photo:file