புதன், 15 ஜூலை, 2015

கடலூரில் நாளை வேலைவாய்ப்பு முகாம்

கடலூர் : கடலூர் மாவட்ட வேலைவாய்ப்பு அலுவலகத்தில் நாளை வேலை வாய்ப்பு முகாம் நடக்கிறது.
இதுகுறித்து கலெக்டர் சுரேஷ்குமார் விடுத்துள்ள செய்திக்குறிப்பு:படித்த வேலையற்ற இளைஞர்களுக்கு தனியார் துறையில் வேலை வாய்ப்பு பெற்றுத் தருவதற்கான வேலை வாய்ப்பு முகாம் நாளை (16ம் தேதி) காலை 10:00 மணிக்கு நடக்கிறது.முகாமில் யு.பி.எஸ்., மற்றும் இன்வெர்ட்டர் தயாரிப்பில் ஈடுபட்டுள்ள தனியார் நிறுவனம் பங்கேற்று ஐ.டி.ஐ., மற்றும் டிப்ளமோ கல்வித்தகுதி உடைய டெக்னீஷியன் மற்றும் ஆபரேட்டர் பணிகளுக்கு ஆட்களைத் தேர்வு செய்ய உள்ளனர். தேர்வு செய்யப்படும் பணியாளர்களுக்கு 9,000 ரூபாய் சம்பளம் மற்றும் உணவு, போக்குவரத்து, இருப்பிடம், சீருடை அனைத்தும் இலவசமாக வழங்கப்படும். மேலும், கூடுதல் நேர பணிக்கு போனஸ், ஷிப்ட் அலவன்ஸ் மற்றும் இதர சலுகைகள் அளிக்கப்படும்.தேர்வு செய்யப்படும் நபர்களின் வேலை வாய்ப்பு பதிவட்டை உயிர் பதிவேட்டிலிருந்து நீக்கம் செய்யப்படமாட்டாது. அரசு பணியிடங்களுக்கான பணிக் காலியிட அறிவிப்பு வரும்போது, விதிமுறைப்படி பரிந்துரை செய்யப்படும்.எனவே, மாவட்டத்தைச் சேர்ந்த ஐ.டி.ஐ., அல்லது டிப்ளமோ தகுதியுடையவர்கள் முகாமில் பங்கேற்று பயன்பெறலாம். இவ்வாறு செய்திக்குறிப்பில் கூறப்பட்டுள்ளது.

0 கருத்துகள்:

கருத்துரையிடுக