மதிப்பெண் சான்றிதழ்
கடந்த கல்வி ஆண்டில் பிளஸ்–2 பொதுத்தேர்வு எழுதிய மாணவ–மாணவிகளுக்கான மதிப்பெண் சான்றிதழ்கள் பள்ளிகளுக்கு அனுப்பி வைக்கப்பட்டுள்ளது. எனவே கடந்த ஆண்டில் பிளஸ்–2 தேர்வு எழுதிய மாணவர்கள் அவர்கள் படித்த பள்ளிக்கூடங்களில் மதிப்பெண் சான்றிதழ்களை இன்று(புதன்கிழமை) முதல் பெற்றுக்கொள்ளலாம். மேலும் அவர்கள் படித்த பள்ளிகளிலேயே ஆன்–லைன் மூலம் வேலைவாய்ப்புக்கும் பதிவு செய்து கொள்ளலாம்.இது தொடர்பாக கடலூர் மாவட்ட கலெக்டர் எஸ்.சுரேஷ்குமார் வெளியிட்டுள்ள அறிக்கையில் கூறப்பட்டுள்ளதாவது:–
பிளஸ்–2 தேர்ச்சி பெற்ற மாணவ–மாணவிகளுக்கு மதிப்பெண் சான்றிதழ் வழங்கப்படும் பள்ளிகளிலேயே வேலைவாய்ப்பு அலுவலக பதிவுப்பணி நடைபெற நடவடிக்கை எடுக்கப்பட்டுள்ளது.
எனவே பிளஸ்–2 தேர்ச்சி பெற்ற மாணவர்கள் தங்களுடைய 10–ம் வகுப்பு கல்வித்தகுதியினை பதிவு செய்த வேலைவாய்ப்பு அலுவலுக அடையாள அட்டை, ஆதார் அட்டை எண், குடும்ப அட்டை, கைப்பேசி எண், மின்னஞ்சல் முகவரி ஆகிய விவரங்களுடன் பள்ளிகளுக்குச்சென்று ஆன்–லைனில் பிளஸ்–2 கல்வித்தகுதியை பதிவு செய்து கொள்ளலாம்.
புதிதாக பதிவு
15 நாட்கள்
இன்று(புதன்கிழமை) முதல் வருகிற 29–ந்தேதி வரை வேலைவாய்ப்புக்காக பதிவு செய்யும் பணி அந்தந்த பள்ளிகளில்நடைபெறும். இந்த பதிவுப்பணி நடைபெறும் 15 நாட்களுக்கும் மதிப்பெண் சான்றிதழ் வழங்க தொடங்கிய முதல் தேதியே(அதாவது ஜூலை 15) பதிவு மூப்பு தேதியாக வழங்கப்படும். மேலும் www.tnvelaivaaippu.gov.in என்ற வேலைவாய்ப்புத்துறை இணையதளம் வழியாகவும் பதிவு செய்து கொள்ளலாம். பிளஸ்–2 தேர்ச்சி பெற்று, வேலைவாய்ப்புக்கு பதிவு செய்ய விரும்பும் அனைத்து மாணவர்களும் தவறாது இந்த வாய்ப்பை பயன்படுத்திக்கொள்ளுமாறு கேட்டுக்கொள்ளப்படுகிறார்கள்.
0 கருத்துகள்:
கருத்துரையிடுக