முடசல் ஓடை கிராமத்தை சேர்ந்தவர் ராஜேந்திரன் (வயது 35). மீனவர். நேற்று காலை வழக்கம் போல் கடலுக்கு மீன்பிடிக்க சென்றார். இவருடைய வீட்டில் யாரும் இல்லாத நேரத்தில், திடீரென கியாஸ் சிலிண்டர் பயங்கர சத்தத்துடன் வெடித்து சிதறியது.
இதில் ஏற்பட்ட தீ வீடு முழுவதும் பரவி கொழுந்து விட்டு எரிந்தது. அந்த நேரத்தில் காற்று வீசியதால் அருகில் இருந்த தங்கசெல்வன் என்பவரது வீட்டிக்கும் தீ பரவி எரிந்தது. இதுகுறித்து தகவல் அறிந்த பரங்கிப்பேட்டை தீயணைப்பு வீரர்கள் நிலைய அலுவலர் கார்த்திகேயன் தலைமையில் சம்பவ இடத்திற்கு விரைந்து வந்து, தண்ணீரை பீய்ச்சி அடித்து, தீயை அணைத்தனர்.
நீண்ட நேர போராட்டத்திற்கு பின்னரே தீயை கட்டுக்குள் கொண்டு வரமுடிந்தது. இந்த சம்பவத்தில் ராஜேந்திரன், தங்கசெல்வன் ஆகியோர் வீட்டில் இருந்த பீரோ, கட்டில், டிவி. குளிர்சாதன பெட்டி, உள்ளிட்ட அனைத்து பொருட்களும் எரிந்து சாம்பலானது. இதன் சேதமதிப்பு ரூ.5 லட்சத்திற்கும் மேல் இருக்கும் என்று கூறப்படுகிறது. தீ விபத்து நடந்த நேரத்தில் வீட்டில் யாரும் இல்லாத காரணத்தினால் உயிர் சேதம் ஏதும் ஏற்படவில்லை. இது குறித்து கிள்ளை போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் அப்பகுதியில் பரபரப்பை ஏற்படுத்தி இருக்கிறது.
0 கருத்துகள்:
கருத்துரையிடுக