பாஜக மத்திய மானித வள அமைச்சர் ஸ்மிருதி இரானி மற்றும் மகாராஷ்டிரா கல்வி அமைச்சர் வினோத் தவ்டே உள்ளிட்டோர் ,மீது போலி சான்றிதழ் மோசடி வழக்கு சர்ச்சை மற்றும் வெளியுறவுத்துறை அமைச்சர் சுஷ்மா சுவராஜ், ராஜஸ்தான் மாநில முதல்வர் வசுந்தரா ராஜே ஆகியோர் போலீசாரால் தேடப்படும் முன்னாள் ஐபிஎல் கிரிக்கெட் தலைவர் லலித்மோடிக்கு உதவியதாக மோசடி சர்ச்சை . இந்த பரபரப்பு அடங்குவதற்குள்ளாக மகாராஷ்டிர மாநில பெண் அமைச்சர் பங்கஜா முண்டே, குழந்தைகள் நல மேம்பாட்டு திட்டத்தில் ரூ.206 கோடி ஊழல் செய்ததாக புகார் எழுந்துள்ளது.
இந்நிலையில், அடுத்த அதிரடியாக, சத்தீஷ்கார் மாநில முதல்வர் ராமன்சிங் மற்றும் அவரது குடும்பத்தினர் ரூ.36 ஆயிரம் கோடி அரிசி பொது வினியோகத்தில் ஊழல் புரிந்துள்ளதாக ஆதாரங்களுடன் நேற்று காங்கிரஸ் கட்சி அம்பலப்படுத்தி அதிரடி குற்றச்சாட்டை சுமத்தி உள்ளது. காங்கிரஸ் கட்சியின் இந்த குற்றச்சாட்டுகள் பாஜகவுக்கு மேலும் சிக்கலை ஏற்படுத்தியுள்ளது.
இது தொடர்பாக காங்கிரஸ் கட்சியின் செய்தி தொடர்பாளர் அஜய்மக்கான் கூறும்போது, ''சத்தீஷ்கார் மாநிலத்தில் பொது வினியோகத்திட்டத்தின் கீழ் மக்களுக்கு வினியோகிக்கப்படும் அரிசியில் முதல்வர் ராமன்சிங் மற்றும் அவரது குடும்பத்தினர் ரூ.36 ஆயிரம் கோடி அளவுக்கு மெகா ஊழலில் ஈடுபட்டுள்ளனர். இந்த ஊழலில், முதல்வர் ராமன்சிங் மற்றும் அவரது மனைவி மற்றும் மைத்துனி, சமையல்காரர் உள்ளிட்ட 4 பேர் சிக்கியுள்ளனர்.
இதுதொடர்பாக கிடைக்க பெற்ற முக்கிய ஆவணமாக கருதப்படும் டைரி, பென்டிரைவ் மற்றும் தஸ்தாவேஜுகளிலும் அவர்களது பெயர்கள் இடம் பெற்றுள்ளது. ஆனால், அவர்கள் மீது முதல்வர் எந்தவிதமான நடவடிக்கையும் எடுக்கவில்லை. ஊழல் தொடர்பாக கிடைத்த டைரியில், முதலமைச்சர் ராமன்சிங் அவரது மனைவியும் நேரடியாக பணப்பலன் பெற்றுள்ளதாக ஊழல் தடுப்பு அமைப்பு வெளிப்படுத்தியுள்ளது. ஆனால், இதுபற்றி விசாரிக்க ராமன்சிங் முன்வரவில்லை. ஊழலில் கிடைத்த பணம் டெல்லி, நாக்பூர் மற்றும் லக்னோவுக்கு அனுப்பி வைக்கப்பட்டுள்ளது.
ஊழல் டைரியில் முக்கிய குற்றவாளிகள் பற்றி 113 பக்கங்கள் இருந்தன. ஆனால் அதில் தற்போது 6 பக்கங்கள் மட்டுமே உள்ளன. மேலும், இந்த ஊழல் வழக்கு பற்றிய விசாரணையை உச்ச நீதிமன்ற கண்காணிப்பில் நடத்த வேண்டும். ஊழல் வழக்கில் சிக்கிய முதல்வர் ராமன்சிங் உடனடியாக தனது முதல்வர் பதவியை ராஜினாமா செய்ய வேண்டும்" என்றார்.
இந்நிலையில், பீகாரின் நண்பர்கள் என்ற அமைப்பு சார்பில், பாட்னா மாஜிஸ்திரேட் நீதிமன்றத்தில், மத்திய வெளியுறவுத்துறை அமைச்சர் சுஷ்மா சுவராஜ், ராஜஸ்தான் முதல்வர் வசுந்தரா ராஜே ஆகியோர் மீது வழக்கு தாக்கல் செய்யப்பட்டது.
மானித வள அமைச்சர் ஸ்மிருதி இரானி - , மகாராஷ்டிரா கல்வி அமைச்சர் வினோத் தவ்டே ராஜஸ்தான் மாநில முதல்வர் வசுந்தரா ராஜே,மகாராஷ்டிர மாநில பெண் அமைச்சர் பங்கஜா முண்டே, வரிசையில் தற்போது சத்தீஷ்கார் மாநில முதல்வர் ராமன்சிங்,ஆகியோர் விஷயத்தில் மோடி தனது நிலைப்பாட்டை இதுவரை தெரிவிக்கவில்லை. ட்விட்டர் உள்ளிட்ட சமூக வலைத்தளங்களில் மக்களுடன் பல்வேறு தகவல்களை பகிர்ந்துகொள்ளும் மோடி, பிரச்சினைக்குரிய விஷயத்தில் கள்ள மவுனம் காப்பது எந்த மாதிரியான விளைவுகளை ஏற்படுத்தும் தனது ஆட்சி நேர்மையானது சிறு முறைகேடுகளுக்கும் இடம் தராது என்று பேசி வரும் மோடி இதுபோன்ற தவறுகளை அனுமதிப்பது தனது ஆட்சியில் மேலும் தவறுகளை ஊக்குவிப்பதாக அமைந்துள்ளது
0 கருத்துகள்:
கருத்துரையிடுக