பரங்கிப்பேட்டையில் அழுகிய நிலையில் ஆண் உடல் போலீசார் விசாரணை

பரங்கிப்பேட்டை:பரங்கிப்பேட்டையில் அழுகிய நிலையில் ஆண் உடல் கிடந்தது குறித்து போலீசார் விசாரணை நடத்தி வருகின்றனர்.பரங்கிப்பேட்டை அடுத்த வடக்குத்துறை வண்ணாரப்பாளையம் அருகே தீக்காயங்களுடன் அழுகிய நிலையில் 45 வயது மதிக்க தக்க ஆண் உடல் கிடந்தது. அவர் யார், எந்த ஊரை சேர்ந்தவர் என்ற விபரம் தெரியவில்லை. அவர் சிகப்பு நிற கைலி அணிந்துள்ளார். அவருக்கு பக்கத்தில் நீலக் கலர் டீ சர்ட்டில் 200 ரூபாய் இருந்தது.இதுகுறித்து கொத்தட்டை வி.ஏ.ஓ., கோவிந்தராஜன்
கொடுத்த புகாரின் பேரில், பரங்கிப்பேட்டை இன்ஸ்பெக்டர் உதயகுமார் வழக்குப் பதிந்து  கொலை செய்யப்பட்டாரா ? என்ற கோணத்தில் விசாரித்து வருகிறார்.