கடலூர் மாவட்டம், பரங்கிப்பேட்டை அருகே உள்ள வாண்டியாம்பள்ளம் கிராமத்தை சேர்ந்த ராதாகிருஷ்ணன் தலைமையில் ஆண்டார்முள்ளிப்பள்ளம், சித்திரப்பேட்டை, பேட்டோடை மடவப்பள்ளம் சாமியார் பேட்டை உள்ளிட்ட 20 கிராமங்களை சேர்ந்த பொதுமக்கள் கடலூர் மாவட்ட ஆட்சியர் எஸ். சுரேஷ்குமாரிடம் திங்கள்கிழமை அளித்த மனு விவரம்:
பெரியப்பட்டு கிராமம் அருகே சாய ஆலை அமைந்தால் அந்த பகுதியை சுற்றியுள்ள 20-க்கும் மேற்பட்ட கிராமங்களில் நிலத்தடிநீர், விவசாய விளைநிலங்கள், சுற்றுச்சூழல் சீர்கேடு போன்ற பாதிப்புகள் ஏற்படும் சூழல் உருவாகிவிடும். மேலும் சாய கழிவுகள் கடலில் கலப்பதால் மீனவர்களின் வாழ்வாதாரமும் கேள்விக்குறியாக மாறிவிடும்.
இதுதவிர இந்த பகுதியில் பிரதான தொழிலான விவசாயம் பெரிய அளவில் பாதிக்கும் என்பதால் விவசாயத்தை சார்ந்த கூலி தொழிலாளர்கள் மற்றும் கால்நடைகள் பாதிக்க கூடும்.
எனவே மக்களின் வாழ்வாதாரமாக திகழும் விவசாயம், மீன்பிடி, நிலத்தடி நீர் ஆதாரங்களையும், கால்நடைகளையும் இயற்கை எழில்கொஞ்சும் சுற்றுச்சூழலையும் பாதுகாத்திட சாயப்பட்டறை அமைப்பது குறித்து சுற்றுவட்டார மக்களிடம் கருத்து கேட்டறிய நடவடிக்கை எடுக்க வேண்டும். அதுவரை இத்திட்டம் தொடர்பான எந்தபணிகளும் நடைபெறாமல் இருக்க உத்தரவிட வேண்டும்.
0 கருத்துகள்:
கருத்துரையிடுக