புதுடெல்லி: வாட்ஸ் அப் மொபைல் மெசேஜ் அப்ளிகேஷன் ஊடாக தற்போது 500 மில்லியன் பயனாளர்கள் பயன் பெற்று வருவதாக அந்நிறுவனம் தெரிவித்துள்ளது.
இதுகுறித்து அந்நிறுவனம் கூறியிருப்பதாவது: "உங்கள் அனைவருக்கும் எங்களது நன்றிகள். உலகம் முழுவது அரை பில்லியன் மக்கள் இப்போது வாட்ஸ் அப் மொபைல் அப்ளிகேஷனை பயன்படுத்துவது மகிழ்ச்சி அளிக்கிறது.
கடந்த சில மாதங்களாக பிரேசில், இந்தியா, மெக்ஸிகோ மற்றும் ரஷ்யா உள்ளிட்ட நாடுகளில் வாட்ஸ் அப்பின் வளர்ச்சி சிறப்பாக இருந்தது. மேலும், எங்களது பயன்பாட்டாளர்கள் தினமும் 700 மில்லியன் போட்டோ, 100 மில்லியன் விடியோவினை பகிர்ந்து வருகின்றனர்.
கடந்த 2013ஆம் ஆண்டு ஆகஸ்ட் மாதம் வாட்ஸ் அப் பயனீட்டாளர்கள் 200 மில்லியனை நெருங்கி இருந்தது. தற்போது ஒராண்டிற்கு குறைவான நாட்களில் இருமடங்கிற்கும் மேல் அதிகரித்துள்ளது." என கூறியுள்ளது.
0 கருத்துகள்:
கருத்துரையிடுக