காட்டுமன்னார்கோவில் பகுதியை சேர்ந்தவர் அந்தோணிசாமி(வயது23). இவர் சிதம்பரம் அருகே சி.முட்லூர் அரசு கலைக் கல்லூரியில் பி.ஏ 3–ம் ஆண்டு படித்து வருகிறார். அங்குள்ள விடுதியில் அவர் தங்கியுள்ளார். இந்தநிலையில், நேற்றுகாலை அதே கல்லூரியில் படிக்கும் மாணவர்களான கதிரேசன், அசோக், ராஜேஷ், என்.நாகராஜன் உள்ளிட்ட 10–க்கும் மேற்பட்டோர் கல்லூரி வளாகத்தில் உள்ள சுவரில் ஒரு சாதி சங்க தலைவரின் படத்தை ஒட்டியதாகவும் இது குறித்து அந்தோணிசாமி கல்லூரி நிர்வாகத்திடம் முறையிட்டதாகவும் கூறப்படுகிறது.
இதில், ஆத்திரமடைந்த கதிரேசன் தரப்பை சேர்ந்த 10–க்கும் மேற்பட்ட கும்பல் அந்தோணிசாமி தங்கியிருந்த விடுதிக்குள் புகுந்து அவரையும், அவரது நண்பர்கள் சிலரையும் சரமாரியாக தாக்கியதாக கூறப்படுகிறது. இதுகுறித்து தகவலறிந்த சிதம்பரம் தணை போலீஸ் சூப்பிரண்டு ராஜாராம் மற்றும் கிள்ளை போலீஸ் இன்ஸ்பெக்டர் மீனா ஆகியோர் சம்பவ இடத்திற்கு விரைந்து சென்று விசாரணை நடத்தினர்.
. இது குறித்துஅந்தோணிசாமி போலீசில் கொடுத்த புகாரின் பேரில் கிள்ளை போலீசார் வழக்குப்பதிவு செய்து மாணவர் அந்தோணிசாமியை தாக்கியதாக பரங்கிப்பேட்டையை சேர்ந்த கதிரேசன்(21), பண்ருட்டி பகுதியை சேர்ந்த அசோக்(19), மணிக்கொல்லை கிராமத்தை சேர்ந்த ராஜேஷ்(20), கதிரேசன்(21) ஆகிய 4 மாணவர்களை கைது செய்தனர். மேலும், சில மாணவர்களை போலீசார் வலைவீசி தேடி வருகின்றனர். இதுபோல் மாணவர் அசோக் கொடுத்த புகாரின்பேரில், மாணவர்களான நாராயணன், மணிகண்டன், ஆரோக்கியராஜ், பிரவீன்ராஜ், விஜயன், குமரேசன் ஆகிய 6 பேர் மீது போலீசார் வழக்குப்பதிவு செய்து வலைவீசி தேடிவருகின்றனர்.
0 கருத்துகள்:
கருத்துரையிடுக