பரங்கிப்பேட்டை: பரங்கிப்பேட்டையில் புதுப்பிக்கப்பட்ட இந்தியன்
ஓவர்சீஸ் வங்கி திறப்பு விழா மற்றும் உலக மகளிர் தின விழா நடந்தது. முதுநிலை
மேலாளர் பாண்டியதுரை தலைமை தாங்கினார். முதன்மை மேலாளர் பீர் முகமது, முதுநிலை
மேலாளர் கல்யாணசுந்தரம் முன்னிலை வகித்தனர். புதுச்சேரி முதன்மை மண்டல மேலாளர்
கணேஷ் குத்துவிளக்கேற்றி துவக்கி வைத்து பல்வேறு திட்டங்களின் கீழ் மகளிர்களுக்கு
25 லட்சம் ரூபாய் கடன் உதவி வழங்கி பேசுகையில், "வாடிக்கையாளர்களின் ஒத்துழைப்பால்
இந்த வங்கி வளர்ச்சியடைந்துள்ளது. வாடிக்கையாளர்களின் நலன்கருதி மிக விரைவில்
குளிர் சாதன வசதி செய்துதரப்படும். உங்களுடைய உறவினர்கள், நண்பர்கள்,
தெரிந்தவர்களிடம் எடுத்துக்கூறி அவர்களை இங்கு புது கணக்கு தொடங்க வைக்க
உதவவேண்டும்' என்றார். வாடிக்கையாளர்கள், முக்கிய பிரமுகர்கள் மற்றும் பொதுமக்கள்
பங்கேற்றனர்.
photo:mypno
photo:mypno
0 கருத்துகள்:
கருத்துரையிடுக