பரங்கிப்பேட்டை:அண்ணாமலை பல்கலைக் கழகம் கடல் அறிவியல் புலம் மற்றும் மத்திய மனிதவள மேம்பாட்டுத் துறை சார்பில் "கடல் அறிவியல் துறையில் வேலைவாய்ப்பு மற்றும் தொழில் முனைவோருக்கான 2 நாள் பயிற்சி மற்றும் விழிப்புணர்வு முகாம் பரங்கிப்பேட்டை கடல்வாழ் உயிரின உயராய்வு மையத்தில் நடந்தது.பயிற்சி முகாமில் கடல் அறிவியல் புல முதல்வர் கதிரேசன் தலைமை தாங்கினார். உதவி பேராசிரியர் ரஃபி வரவேற்றார். பல்கலைக் கழக பதிவாளர் பஞ்சநதம் முகாமை துவக்கி வைத்தார். துறை மூலம் வேலை வாய்ப்பு மற்றும் தொழில் முனைவோருக்கான நூல் வெளியிடப்பட்டது.இதில் சென்னை, விழுப்புரம், கடலூர், சேலம், நாகப்பட்டினம், சிவகங்கை, ராமநாதபுரம், விருதுநகர் மற்றும் புதுச்சேரி ஆகிய மாவட்டங்களை சேர்ந்த கல்லூரி ஆசிரியர்கள், மாணவ, மாணவிகள் பங்கேற்றனர்.பயிற்சியில் இறால் பொறிப்பகம், இறால் வளர்ப்பு, வண்ண மீன் உற்பத்தி, உபரி மீன்களில் இருந்து உபயோகப் பொருள்கள் தயாரித்தல் குறித்து பயிற்சி அளிக்கப்பட்டது. மேலும் இந்த துறையில் படிப்பவர்களுக்கு வேலைவாய்ப்பு, வளர்ச்சி மற்றும் வணிகம் குறித்து பயிற்சியாளர்கள் கருத்துரை வழங்கினர்.பேராசிரியர் பிரகதீஸ்வரன் நன்றி கூறினார்.
0 கருத்துகள்:
கருத்துரையிடுக