சாம்பியன்ஸ் கோப்பை கிரிக்கெட் - இறுதிப் போட்டியில் இந்திய அணி!

கார்டிப்: சாம்பியன்ஸ் கோப்பை கிரிக்கெட் போட்டியில் இலங்கையை வீழ்த்தி இந்தியா  இறுதிப் போட்டிக்குள் நுழைந்தது.

இங்கிலாந்தில் சாம்பியன்ஸ் கோப்பை  தொடர்  நடைபெற்று வருகிறது. நேற்று கார்டிப்பில் நடந்த இதன் இரண்டாவது அரையிறுதியில் இந்திய , இலங்கை அணிகள் மோதின.

 டாஸ்  வென்ற  இந்திய அணி பந்து விச்சு  தெரிவு செய்தது. இலங்கை அணிக்கு குசால் பெரேரா, டில்ஷன் ஜோடி தொடக்கம் கொடுத்தது. புவனேஷ்வர் வேகத்தில் குசால் பெரேரா 4 ஓட்டங்களில் ஆட்டமிழந்தார். உமேஷ் பந்துவீச்சில் இரண்டு பவுண்டரி அடித்த டில்ஷன் 12 ஓட்டங்களில் ரிட்டயர்டு ஹார்ட் முறையில் வெளியேறினார். திரிமான்னேவை 7 ஓட்டங்களில் ஆட்டமிழக்கச் செய்த இஷாந்த், சங்கக்காராவை 17 ஓட்டங்களில் பெவிலியன் அனுப்பினார்.

பின்னர் வந்த வீரர்களும் பெரிய அளவில் சோபிக்காததால் இலங்கை அணி 50 ஓவரில் 8 விக்கெட் இழப்பிற்கு 181 ஓட்டங்கள் மட்டும் எடுத்தது.

இதனையடுத்து 182 ஓட்டங்கள் என்ற எளிய இலக்குடன் ஆடிய  இந்திய அணி 35 ஓவரில் 2 விக்கெட் இழப்பிற்கு இலக்கை அடைந்து 8 விக்கெட் வித்தியாசத்தில் அபார வெற்றி பெற்றது. ரோகிந்த் சர்மா 33 ஓட்டங்களும், ஷிகர் தவான் அரைசதம் கடந்து 68 ஓட்டங்களும், வீராட் கோஹ்லி 58 ஓட்டங்களும் எடுத்தனர்.

இந்த வெற்றி மூலம் இறுதிப் போட்டியில் இங்கிலாந்தை சந்திக்கிறது இந்திய அணி  அணி.