ஜித்தா: சவூதி அரேபியா ஜித்தா இந்திய தூதரகத்தில் இந்தியர்களுக்கான வேலை வாய்ப்பு முகாம் நடைபெற்று வருகிறது.
சவூதி அரேபியாவின் புதிய தொழிலாளர் கொள்கையான 'நிதாகத்' என்ற கொள்கை மூலம் பல இந்தியர்கள் வேலை இழக்க நேரிட்டுள்ளது. மேலும் சட்டத்திற்கு புறம்பாக பணிபுரியும் வெளிநாட்டவர்களின்மீது வரும் ஜூலை 3ம் தேதிக்கு பின் கடும் நடவடிக்கை எடுக்கப்படும் என்றும் சவூதி அரேபியா அரசு வெளிநாட்டினரை எச்சரித்துள்ளது.
இந்த நிலையில் சவூதி வாழ் இந்தியர்கள் இத்தகைய பிரச்சனைகளிலிருந்து மீளுவதற்காக சவூதி இந்திய தூதரகங்கள் பல்வேறு நடவடிக்கைகளை எடுத்து வருகிறது. அதன்படி ஜித்தாவில் உள்ள இந்திய தூதரகம் நேற்று 20.06.2013(வியாழக்கிழமை) வேலை வாய்ப்பு முகாம் நடத்தியது.. இதில் பல்வேறு நிறுவனங்கள் கலந்துக்கொண்டு நிதாகத் மூலம் பாதிக்கப் பட்டிருக்கும் பெரும்பாலான இந்தியர்களுக்கு உடனடி வேலை வாய்ப்பு வழங்கியது.
மேலும் வரும் ஜூன் 27 ஆம் தேதி வியாழக்கிழமை அன்றும் நன்பகல் 1 மணி முதல் ஜித்தா இந்திய தூதரகத்தில் மீண்டும் பல்வேறு நிருவனங்கள் மூலம் வேலை வாய்ப்பு முகாம் நடத்தப்படும் என்றும் இந்த வாய்ப்பை பயன்படுத்தி நிதாகத் மூலம் பாதிக்கப் பட்டவர்கள் அவர்களின் தகுதிக்குத் தகுந்த வேலை வாய்ப்பை பெற்றுக் கொள்ளலாம் என்றும் வேண்டுகோள் விடுக்கப் பட்டுள்ளது..
இதற்கு முன்பு நடத்தப்பட்ட வேலை வாய்ப்பு முகாம்களின் மூலம் கிட்டத்தட்ட ஐந்தாயிரம் இந்தியர்கள் பயனடைந்தார்கள்.. இதன்மூலம் சவூதி அரேபியாவின் சட்டத்திற்கு உட்பட்டு பணியை தொதர்வதற்கான சூழல் அமையப்பட்டுள்ளது.
இதற்கிடையே சவுதியில் வேலை செய்ய விரும்பாமல் நாடு திரும்ப விரும்புவோருக்கு உதவும் நோக்கில் பல்வேறு தன்னார்வலர்கள் இந்திய தூதரகம் மூலம் இரவு, பகலாக பணியாற்றி வருவது குறிப்பிடத் தக்கது.
thnx:inneram.com
0 கருத்துகள்:
கருத்துரையிடுக