இதுகுறித்து அவர் வெளியிட்டுள்ள செய்திக் குறிப்பு:
தமிழ்நாட்டில் உள்ள அரசு, அரசு உதவிபெறும் மற்றும் அரசால் அங்கீகரிக்கப்பட்ட கல்வி நிலையங்களில் 11,12-ம் வகுப்பு, ஐ.டி.ஐ., ஐ.டி.சி., பாலிடெக்னிக், பட்டயப்படிப்புகள், இளங்கலை, முதுகலை பட்டப்படிப்புகள், எம்.பில், ஆராய்ச்சிப் படிப்பு ஆகியவற்றை பயில்வோருக்கும், பள்ளி மேற்படிப்பு கல்வி உதவித்தொகை வழங்கப்படுகிறது.
எனவே, மதவழி சிறுபான்மையின கிறிஸ்தவர், இஸ்லாமியர், சீக்கியர், புத்தமதத்தினர், பார்சி மற்றும் ஜெயின் பிரிவைச் சேர்ந்த தொழில் மற்றும் தொழில்நுட்பக் கல்வி பயிலும் மாணவ, மாணவிகளுக்கு தகுதி மற்றும் வருவாய் அடிப்படையில் கல்வி உதவித்தொகை வழங்கப்படுகிறது. 2015-16ஆம் ஆண்டுக்கு கல்வி உதவித்தொகை பெறுவதற்கு http://www.minorityaffairs.gov.in/scholarship
என்ற இணையதளத்தில் சென்று விண்ணப்பிக்க வேண்டும். விண்ணப்பிப்பதற்கு செப்டம்பர் 15-ம் தேதியும், புதுப்பித்தலுக்கு அக்டோபர் 10-ம் தேதியும் கடைசி நாளாகும்.
என்ற இணையதளத்தில் சென்று விண்ணப்பிக்க வேண்டும். விண்ணப்பிப்பதற்கு செப்டம்பர் 15-ம் தேதியும், புதுப்பித்தலுக்கு அக்டோபர் 10-ம் தேதியும் கடைசி நாளாகும்.
கல்வி உதவித்தொகை பெற மாணவ, மாணவிகள் பொதுத்தேர்வில் குறைந்தபட்சம் 50 சதவீதம் மதிப்பெண் பெற்றிருத்தல் வேண்டும்.
பெற்றோர், பாதுகாவலரது ஆண்டு வருமானம் அனைத்து வகையிலும் ரூ.2 லட்சத்துக்கு மிகாமல் இருக்க வேண்டும்.
மேற்கூறிய இணையதள முகவரிக்குச் சென்று விண்ணப்பத்தினை பதிவிறக்கம் செய்து கையொப்பமிட்டு, அத்துடன் மதிப்பெண் சான்றிதழ், மதத்துக்கான சான்று, வருவாய்த்துறையிடமிருந்து பெற்ற வருமான சான்றிதழ் ஆகியவற்றின் நகலுடன், கல்விக் கட்டணம் செலுத்திய ரசீது, இருப்பிட முகவரி, வங்கிக்கணக்கு எண் ஆகிய விவரங்களை இணைத்து அவர்கள் பயிலும் கல்வி நிலையங்களில் சமர்ப்பிக்க வேண்டும்.
ஒப்பளிக்கப்படும் கல்வி உதவித்தொகை மாணவ, மாணவிகளின் வங்கிக்கணக்கில் நேரடியாக செலுத்தப்படும்.
என்று அந்த செய்திக் குறிப்பில் ஆட்சியர் கேட்டுக்கொண்டுள்ளார்
0 கருத்துகள்:
கருத்துரையிடுக