பெரியப்பட்டு முதல் சிலம்பிமங்கலம் வரை 30 கிராம மக்கள் 1500 க்கும் மேற்பட்டோர் பங்கேற்றனர்
பரங்கிப்பேட்டை அருகே உள்ள பெரியபட்டில் சுமார் 500 ஏக்கர் நிலப்பரப்பில் சைமா தனியார் நிறுவனம் சார்பில் சாயப்பட்டறை அமைக்கும் பணி நடைபெற்று வருகிறது. இந்த சாயப்பட்டறை
அமைந்தால் அப்பகுதி முழுவதும் சுற்றுச்சூழல் பாதிக்கப்படும், சாயப்பட்டறையில் இருந்து வெளியேறும் கழிவுநீர், கடலில் கலந்தால் மீன்வளம் பாதிக்கப்படும். விளைநிலங்களின் தன்மை மாறும். நிலத்தடி நீர் குறைவதுடன், விவசாய தொழில் கடுமையாக பாதிக்கப்படும் என அப்பகுதி கிராம மக்கள் புகார் தெரிவித்து வருகின்றனர். மேலும் தனியார் சாயப்பட்டறை அமைக்கும் பணியை நிறுத்தக்கோரி பெரியபட்டு மற்றும் அதனை சுற்றியுள்ள 30 கிராம மக்கள் கடந்த 7 ஆண்டுகளாக பல்வேறு போராட்டங்களை நடத்தி வருகின்றனர். ஆனால் சாயப்பட்டறை அமைக்கும் பணி தொடர்ந்து நடைபெற்று வருகிறது.
மனித சங்கிலி
இந்த நிலையில் தனியார் சாயப்பட்டறை அமைக்கப்படுவதற்கு எதிர்ப்பு தெரிவித்தும், அந்த பணியை உடனே நிறுத்தக்கோரியும் பெரியபட்டில் கண்டன கண்டன மனித சங்கிலி போராட்டம் நடைபெற்றது. இதில் பெரியபட்டு, ஆண்டார்முள்ளிப்பள்ளம், வில்லிய நல்லூர், காயல்பட்டு, சிலம் பிமங்கலம், தாழஞ்சாவடி, வாண்டையாம்பள்ளம், தச்சம்பாளையம், பூச்சிமேடு, சான்றோர்மேடு, சின்னாண்டிக்குழி, சாமியார்பேட்டை, , குமராப்பேட்டை புத்திரவள்ளி உள்பட 30 கிராமங்களை சேர்ந்த பொதுமக்கள்
1500 க்கும் மேற்பட்டோர் தங்களின் வாழ்வுரிமைக்காக கலந்து கொண்டு தங்களின் எதிர்ப்பை காட்டினர்
நிலவளமும், நீர்வளமும் கொண்ட இப்பகுதியில், பிரதானமாக ரசாயனத் தொழிற்சாலைகளுக்கு என மத்திய அரசு அறிவித்ததால், பல்வேறு அழிவுகளையும் நாசங்களயும் உருவாக்கும் ரசாயனத் தொழிற்சாலைகள்தான் தொடங்கப்பட்டுள்ளன. வழக்கமாக எல்லா இடங்களிலும் நடப்பதைப் போல, ‘வேலைவாய்ப்பு கிடைக்கும், தொழில் வளர்ச்சி பெருகும்’ என்று ஆசை காட்டப்பட்டு ஆயிரக்கணக்கான ஏக்கர் நிலங்கள் கையகப்படுத்தப்பட்டுள்ளது.
மக்கள் கருத்து : இந்த சாயப்பட்டறை தொழிற்சாலை வந்தால் திருப்பூர் அருகில் உள்ள நொய்யல் ஆறு , ஒரத்துபாளையம் அணை அழிந்தது போல் எங்கள் கிராமம் அழிந்து விடும். புற்றுநோய், தோல் நோய் பிரச்சனை இருக்கும், நிலத்தடி நீர் அதால பாதாளத்தில் சென்றுவிடும், கடல் வளம் புதுச்சேரி முதல் பழையாறு வரை அழிந்து விடும் , எங்கள் வாழ்வாதாரம் அழிந்து விடும் , அதனால் எங்களுக்கு இந்த சாயப்பட்டறை தொழிற்சாலை வேண்டாம். நாங்கள் தொடர்ந்து தீவிரமாக பல போராட்டங்களை 5 ஆண்டுகளாக செய்துகொண்டு இருக்கின்றோம், ஆனால் அரசு இதை கண்டுகொள்ளாமல் இருக்கிறது. உடனடியாக திட்டத்தை ரத்துசெய்ய செய்ய வில்லை என்றால் வரும் சுதந்திர தினம் கருப்பு தினமாக அனுசரிக்கப்படும். இவ்வாறு மனித சங்கிலி போராட்டத்தில் கலந்து கொண்ட மக்கள் தங்கள் கருத்துக்களை கூறினார்கள்.
சென்னை - போயஸ் கார்டன், கோபாலபுரம் அல்லது சட்டமன்ற பகுதி போன்ற இடங்களில் இந்த சாயப் பட்டறையை அமைக்க வேண்டியது தானே! (இவனுங்களை நம்ம பகுதியில் சாயப் பட்டறை அமைக்க விடவே கூடாது! தொடரட்டும் தொய்வில்லாத எதிப்பு!!)
பதிலளிநீக்கு