வாக்களிப்பதை கட்டாயமாக் கும் வகையில் புதிய வழிகாட்டு விதிகளை உருவாக்க தேர்தல் ஆணையத்துக்கு உத்தரவிடக் கோரி பொதுநல வழக்கு தொடரப்பட்டது. இதில் தேர்தல் ஆணையம் தனது நிலைப்பாட்டை தெரிவிக்குமாறு உச்ச நீதிமன்றம் உத்தரவிட்டிருந்தது.
இந்நிலையில் உச்ச நீதிமன்றத் தில் தேர்தல் ஆணையம் நேற்று முன்தினம் தாக்கல் செய்த பிரமாண பத்திரத்தில், வாக்களிக்கும் உரிமை, அடிப்படை உரிமை அல்ல, சட்டப்பூர்வ உரிமை மட்டுமே என்று கூறப்பட்டுள்ளது.
வழக்கறிஞர் அமித் சர்மாவால் தயாரிக்கப்பட்ட இந்த பிரமாண பத்திரத்தில், “வேட்பாளர்களின் நம்பகத் தன்மையை ஆராய்ந்த பின் வாக்களிப்பதா அல்லது வேண்டாமா என்று வாக்காளர் முடிவு எடுக்கிறார். இது வாக் காளருக்கு அரசியல் சாசனம் வழங்கியுள்ள கருத்து தெரி விக்கும் உரிமையாகும். வாக்க ளிப்பது மட்டுமல்ல வாக்களிக் காமல் இருப்பதும் இந்த உரிமையின் கீழ் வருகிறது” என்று கூறப்பட்டுள்ளது.
அர்ஜென்டினா, ஆஸ்தி ரேலியா, பெல்ஜியம், பிரேசில் உள்ளிட்ட நாடுகளில் வாக்களிப் பது கட்டாயம் ஆக்கப்பட்டுள்ளது. நம் நாட்டில் முதல் மாநிலமாக குஜராத்தில் உள்ளாட்சித் தேர் தலில் வாக்களிப்பது கட்டாயம் ஆக்கப்பட்டுள்ளது. இங்கு உள்ளாட்சி தேர்தலில் வாக்களிக் காதவர்களுக்கு நோட்டீஸ் வழங்க தேர்தல் அதிகாரிக்கு இது தொடர்பான சட்டம் அதிகாரம் வழங்குகிறது. ஒரு மாதத்தில் குறிப்பிட்ட நபர் இதற்கு பதில் அளிக்கத் தவறினால் அந்த நபர் வாக்களிக்கத் தவறியவராக அறிவிக்கப்படுகிறார். இதனை பொதுநல வழக்கில் மனுதாரர் சுட்டுக்காட்டியிருந்தார்.
இந்நிலையில் குஜராத் சட்டத் துக்கு முரணாக, “வாக்காளர்கள் கட்டாயம் வாக்களிக்க வேண்டும் என்று அரசியல் சாசன கடமை ஏதுமில்லை. தேர்தலில் வாக்காளர் கள் யாருக்கும் வாக்களிக்க விரும்பவில்லை என்றால் நோட்டா பொத்தானை பயன்படுத்த ஏற்பாடு செய்யப்பட்டுள்ளது” என்று உச்ச நீதிமன்றத்தில் தேர்தல் ஆணையம் கூறியுள்ளது.
இதையடுத்து ஆணையத்தின் கருத்துக்கு பதில் அளிக்க மனு தாரருக்கு தலைமை நீதிபதி எச்.எல்.தத்து தலைமையிலான அமர்வு உத்தரவிட்டது. இந்த விவகாரத்தில் மத்திய அரசு தனது நிலைப் பாட்டை தெரிவிக்க கால அவகாசம் வழங்கியும் நீதிபதிகள் உத்தரவிட்டனர்.
0 கருத்துகள்:
கருத்துரையிடுக