பண்ருட்டி:சிதம்பரம் தொகுதி இந்திய கம்யூனிஸ்டு கட்சி எம்.எல்.ஏ. பாலகிருஷ்ணனுக்கு கொலை மிரட்டல் விடுத்ததாக பண்ருட்டியை சேர்ந்த தந்தை–மகன் மீது போலீசார் வழக்கு பதிவு செய்துள்ளனர்
கடலூர் மாவட்டம், பண்ருட்டி வட்டம், முத்தாண்டிக்குப்பம் கிராமத்தைச் சேர்ந்தவர் கோவிந்தராஜ். இவரது மகள் விஜயலட்சுமியும், அதே பகுதியைச் சேர்ந்த சிவராமகிருஷ்ணன் என்பவரும் காதலித்து திருமணம் செய்து கொண்டனராம்.
இதற்கு எதிர்ப்புத் தெரிவித்த கோவிந்தராஜ், இளம் தம்பதிக்கு மிரட்டல் விடுத்ததாகக் கூறப்படுகிறது.
இதையடுத்து தம்பதியர் சிதம்பரம் தொகுதி எம்எல்ஏ பாலகிருஷ்ணன் மற்றும் ஜனநாயக மாதர் சங்க மாநில நிர்வாகி சுகந்தி ஆகியோரிடம் முறையிட்டனர். இவர்கள், கோவிந்தராஜ் தரப்பினரை அழைத்து, சமரசப் பேச்சுவார்த்தை நடத்தினர். ஆனால், இதை ஏற்காத கோவிந்தராஜும், அவரது மகனும் செல்லிடப்பேசி மூலம் எம்எல்ஏ பாலகிருஷ்ணனுக்கு கொலை மிரட்டல் விடுத்தனராம்.
இதுகுறித்து மார்க்சிஸ்ட் கம்யூனிஸ்ட் கட்சியின் மாவட்டச் செயலர் ஆறுமுகம் திங்கள்கிழமை தமிழக காவல்துறை தலைவருக்கு புகார் மனு அளித்தார் புகாரின் பேரில், உடனடியாக விசாரித்து நடவடிக்கை மேற்கொள்ள கடலூர் மாவட்ட போலீஸ் சூப்பிரண்டுக்கு உத்தரவிடப்பட்டது அதன்படி மாவட்ட போலீஸ் சூப்பிரண்டு விஜயகுமார் உத்தரவின்பேரில் முத்தாண்டிக்குப்பம் போலீஸ் சப்–இன்ஸ்பெக்டர் ராஜேந்திரன் கொலை மிரட்டல் விடுத்த கோவிந்தராஜ் மற்றும் அவரது மகன் மீது வழக்கு பதிவு செய்து விசாரணை நடத்தி வருகின்றனர்.முத்தாண்டிக்குப்பம் போலீஸார் விசாரணை நடத்தி வருகின்றனர்.
இதனிடையே ஜனநாயக மாதர் சங்க மாநில நிர்வாகி பி.சுகந்திக்கு செல்லிடப்பேசி மூலம் சிலர் தொடர்ந்து கொலை மிரட்டல் விடுத்து வருகின்றனர். இது குறித்து மாவட்ட காவல் கண்காணிப்பாளரிடம் புகார் கொடுத்தும் நடவடிக்கை எடுக்காததைக் கண்டிப்பதாகக் கூறியும், உடனடியாக நடவடிக்கை எடுக்க வலியுறுத்தியும் கடலூர் உழவர் சந்தை அருகே அனைத்திந்திய ஜனநாயக மாதர் சங்கத்தினர் ஆர்ப்பாட்டத்தில் ஈடுபட்டனர்.
0 கருத்துகள்:
கருத்துரையிடுக