மத்திய பிரதேசத்தில் தொழில்முறை தேர்வு வாரியமான வியாபம் மூலம் அரசு பணிகளுக்கான தேர்வுகள் நடத்தப்பட்டு வருகின்றன. இத்தேர்வுகளில் சிலர், லஞ்சம் கொடுத்து எளிதாக வேலைவாய்ப்பை பெற்று சென்றதாக புகார் எழுந்தது.
வியாபம் ஊழல் தொடர்பாக டெல்லி தனியார் சேனல் செய்தியாளர் அக்ஷய் சிங் என்பவர், மர்ம மரணம் அடைந்த மாணவி நம்ருதா தாமோரின் பெற்றோரிடம் 2 நாட்களுக்கு முன்னர் பேட்டி எடுத்திருந்தார். அதன்பின் அக்ஷய் சிங் மர்மமான முறையில்
இறந்துவிட்டார். இந்த பரபரப்பு அடங்குவதற்குள், மறுநாளே (ஞாயிற்றுக்கிழமை) ‘வியாபம்’ ஊழல் குறித்த விசாரணைக்கு உதவிவந்த மருத்துவக் கல்லூரி டீன் அருண் சர்மா இறந்தது பல சந்தேகங்களை எழுப்பி உள்ளது.
இறந்துவிட்டார். இந்த பரபரப்பு அடங்குவதற்குள், மறுநாளே (ஞாயிற்றுக்கிழமை) ‘வியாபம்’ ஊழல் குறித்த விசாரணைக்கு உதவிவந்த மருத்துவக் கல்லூரி டீன் அருண் சர்மா இறந்தது பல சந்தேகங்களை எழுப்பி உள்ளது.
இந்நிலையில் வியாபம் ஊழல் வழக்கில் தொடர்புடையவர்களாக கருதப்படும் 47 பேர் அடுத்தடுத்து மர்மமான முறையில் இறந்தனர். மேலும் வியாபம் முறைகேட்டில் மத்திய பிரதேச முதல்வரான பாரதிய ஜனதாவின் சிவராஜ் சிங் சவுகானுக்கும் மத்திய அமைச்சர் உமா பாரதி உள்ளிட்டோருக்கும் தொடர்பிருப்பதாக குற்றச்சாட்டு வலுத்து வருகிறது.
‘வியாபம்’ ஊழல் தொடர்பாக இதுவரை 47பேர் திடீரென இறந்ததால் பரபரப்பு ஏற்பட்டுள்ளது. இந்நிலையில், இந்த வழக்கில் சிபிஐ விசாரணைக்கு உத்தரவிடக் கோரி எதிர்க்கட்சிகள் வலியுறுத்தி வருகின்றன. ஆனால், அதற்கு ம.பி. முதல்வர் சிவ்ராஜ் சவுகான் மறுப்பு தெரிவித்து வருகிறார்.
தனி ரகமான ஊழல்
‘வியாபம்’ என்பது மத்தியப் பிரதேத்தின் மாநில அரசுப் பணியிடங்களுக்கும் மருத்துவக் கல்லூரிகளில் சேரும் மாணவர்களுக்கும் நுழைவுத் தேர்வு மூலம் உரியவர்களைத் தேர்ந்தெடுக்கும் ‘பணியாளர் தேர்வாணையம்’ போன்ற அமைப்பு. இந்த அமைப்பில், அரசியல் செல்வாக்கும் பண பலமும் அதிகார துஷ்பிரயோகங்களும் புகுந்து ஆடிய ஆட்டத்தின் விளைவு, இன்றைக்கு அங்கு ஆளும் பாஜக அரசுக்குப் பெரும் தலைக்குனிவை உருவாக்கியிருக்கிறது.
முதல்வர் சிவராஜ் சவுகான், ஆளுநர் ராம் நரேஷ் யாதவ் தொடங்கி பலர் மீது இந்த ஊழலில் குற்றச்சாட்டுகள் சுமத்தப்படுகின்றன. பதவி நிலை, சேர விரும்பும் மருத்துவப் படிப்பு போன்றவற்றைப் பொருத்து ரூ.5 லட்சம் முதல் ரூ.1 கோடி வரை லஞ்சம் பெறப்பட்டிருக்கிறது. கடந்த ஏழு ஆண்டுகளில், கிட்டத்தட்ட 1.47 லட்சம் பேர் ஆள் மாறாட்டம் உள்ளிட்ட மோசடிகளில் ஈடுபட்டிருப்பதாகச் சொல்லப்படுகிறது.
இதனிடையே வியாபம் முறைகேடு சி.பி.ஐ. விசாரணைக்கு மாநில அரசு உத்தரவிடவேண்டும் என்று காங்கிரஸ் மூத்த தலைவர் திக்விஜய்சிங் வலியுறுத்தியிருந்தார். அதை மாநில அரசு நிராகரித்தது.இதைத்தொடர்ந்து வியாபம் தொடர்பாக சி.பி.ஐ. விசாரணைக்கு உத்தரவிடவேண்டும் எனக் கோரி உச்சநீதிமன்றத்தில் வழக்கு தொடர்ந்தார். அதே நேரத்தில் வியாபம் முறைகேடு வழக்கில், உச்ச நீதிமன்றம் அல்லது உயர் நீதிமன்றம் சிபிஐ விசாரணை தேவை என கருதினால் மத்திய பிரதேச அரசு அத்தகைய விசாரணைக்கு உத்தரவிடும் என்று உள்துறை அமைச்சர் ராஜ்நாத் சிங் கூறியிருந்தார்.இந்த நிலையில் உச்சநீதிமன்றம், சிபிஐ விசாரணை கோரி திக்விஜய்சிங் தாக்கல் செய்த மனுவை இன்று விசாரணைக்கு ஏற்றது. இம்மனு மீது நாளை மறுநாள் விசாரணை நடைபெறும் எனவும் தெரிவித்திருக்கிறது.
இச்செய்தி வெளியான உடனேயே மத்திய பிரதேச முதல்வர் சவுகான், சி.பி.ஐ. விசாரணைக்கு மாநில உயர்நீதிமன்றம் பரிந்துரைக்க கேட்டுக் கொள்வதாக கூறியுள்ளார்.
இச்செய்தி வெளியான உடனேயே மத்திய பிரதேச முதல்வர் சவுகான், சி.பி.ஐ. விசாரணைக்கு மாநில உயர்நீதிமன்றம் பரிந்துரைக்க கேட்டுக் கொள்வதாக கூறியுள்ளார்.
0 கருத்துகள்:
கருத்துரையிடுக