பரங்கிப்பேட்டை : சென்னையில் இருந்து கடந்த மாதம் 8-ந் தேதி புறப்பட்டுச் சென்ற இந்திய கடலோர காவல்படைக்கு சொந்தமான டோர்னியர்' ரக விமானம் ரோந்துப் பணி ஒத்திகையில் ஈடுபட்டிருந்த போது மாயமானது தற்போது விமானத்தின் உடைந்த பாகங்கள் பரங்கிப்பேட்டை அருகே கடலில் 950 மீட்டர் ஆழத்தில் கண்டுபிடிக்கப்பட்டுள்ளன.
மாயமான விமானத்தை , அதி நவீன கப்பல் மற்றும் நீர்மூழ்கிக் கப்பல் மூலம் தேடுதல் வேட்டை நடைபெற்று வந்தது.
இந்நிலையில் விமானத்தின் உடைந்த பாகங்கள் கடலூர் மாவட்டம் பரங்கிப்பேட்டை அருகே பிச்சாவரத்தில் இருந்து 16.5 கடல் மைல் தூரத்தில் கண்டுபிடிக்கப்பட்டதாகவும், 950 மீட்டர் ஆழத்தில் உள்ளதாக கடலோர பாதுகாப்புப் படையின் கிழக்கு மண்டல ஐ.ஜி. சர்மா தெரிவித்துள்ளார்.
மேலும், விமானத்தை மீட்கும் பணியில் மீட்புக் குழுவினர் ஈடுபட்டுள்ளதாகவும் விமானத்தின் கருப்பு பெட்டியும் கண்டுபிடிக்கப்பட்டுள்ளதாகவும் . அதனை மீட்டால் தான் விமான விபத்துக்கான காரணம் தெரியவரும் என்று கூறினார்..
விமானம் மாயமாகி 32 நாட்களுக்குப் பிறகு அதன் உடைந்த பாகங்கள் கண்டுபிடிக்கப்பட்டுள்ளது குறிப்பிடத்தக்கது.விமானத்தின் பாகங்கள் கண்டுபிடிக்கப்பட்டுள்ளதையடுத்து, அதில் சென்ற விமானி வித்யாசாகர், எம்.கே.சோனி மற்றும் சுபாஷ் சுரேஷ் ஆகியோரின் கதி என்ன என்பது குறித்து கேள்வி எழுந்துள்ளது.
0 கருத்துகள்:
கருத்துரையிடுக