இது தொடர்பாக அவர் வெளியிட்டுள்ள அறிக்கையில் கூறியிருப்பதாவது:-
தமிழகம் முழுவதும் ஆதார் எண்ணை குடும்ப அட்டையுடன் இணைத்து ஸ்மார்ட் கார்டு வழங்கும் பணி இன்னும் ஓரிரு மாதங்களில் தொடங்க இருக்கிறது. இதற்காக தமிழக அரசு நியாய விலைக்கடைகளில் உள்ள வழங்கல் பதிவேட்டில் குடும்ப அட்டைதாரர்களின் விவரங்களை மேம்படுத்த அறிவுறுத்தி உள்ளது. அதன்படி குடும்ப அட்டைதாரர்கள் ரேஷன் கடை விற்பனையாளரிடம் வறுமை கோட்டுக்கு கீழ் உள்ள (அந்தியோதயா அன்னயோசனா) பயனாளிகள் விவரத்தை தெரிவிக்க வேண்டும். தங்களிடம் உள்ள கியாஸ் சிலிண்டர் எண்ணிக்கை, குடும்பத்தில் இறந்தவர்கள் மற்றும் இடம் மாறி சென்ற உறுப்பினர்கள் விவரம், தங்களின் செல்போன் எண்ணை தவறாமல் தெரிவிக்க வேண்டும் என்று உத்தரவிட்டுள்ளது.
பதிவு செய்ய வேண்டும்
கடலூர் மாவட்டத்தில் 1406 ரேஷன் கடைகள் உள்ளன. இதில் 7 லட்சத்து ஆயிரத்து 250 குடும்ப அட்டை தாரர்கள் உள்ளனர். இவர்கள் அனைவரும் தங்கள் பகுதிக்குட்பட்ட ரேஷன் கடை விற்பனையாளரிடம் மேற்கண்ட விவரங்களை பதிவு செய்து கொள்ள வேண்டும்.
இந்த பணிகளை அடுத்த மாதம் 31-ந்தேதிக்குள் முடிக்க வேண்டும் என்று ரேஷன் கடை விற்பனையாளர்களுக்கு அறிவுறுத்தப்பட்டுள்ளது. ஆகவே பொதுமக்கள் உரிய விவரங்களை ரேஷன் கடை விற்பனையாளரிடம் தெரிவிக்குமாறு கேட்டுக்கொள்ளப்படுகிறார்கள்.
இவ்வாறு அறிக்கையில் கலெக்டர் சுரேஷ்குமார் தெரித்துள்ளார்.
0 கருத்துகள்:
கருத்துரையிடுக