தமிழகம் முழுவதும் ஜூலை 1ஆம் தேதி முதல் இருசக்கர வாகனங்களில் பயணிப்போர் மற்றும் பின்னால் அமர்ந்து செல்வோர் கண்டிப்பாக தலைக்கவசம் அணிய வேண்டுமென உயர் நீதிமன்றம் உத்தரவிட்டிருந்தது. எனவே கடலூர் மாவட்டத்தில் இருசக்கர வாகன ஓட்டிகள் தலைக்கவசம் அணிய வேண்டுமெனவும், அணியாதவர்களுக்கு அபராதம் விதிக்கப்படும் என்றும் மாவட்ட காவல் கண்காணிப்பாளர் சி.விஜயக்குமார் அறிவித்திருந்தார்.
கடலூர் மாவட்ட காவல்துறையினர் கடலூர், சிதம்பரம், திட்டக்குடி, விருத்தாசலம், நெய்வேலி உள்ளிட்ட 7 துணைக்கோட்டங்களிலும் ஒவ்வொரு காவல் நிலையத்துக்கும் உள்பட்ட பகுதிகளில் வாகனத் தணிக்கையில் ஈடுபட்டனர். அப்போது, தலைக்கவசம் அணியாதவர்களுக்கு ரூ.100 அபராதமாக விதித்தனர். மேலும், சிலரது ஆவணங்களை பறிமுதல் செய்து தலைக்கவசம் வாங்கியதற்கான ரசீதை காண்பித்து திரும்ப பெற்றுச்செல்லுமாறு அனுப்பி வைத்தனர்.
மேலும் பரங்கிபேட்டையிலும் காவல் துறையினர் இருசக்கர வாகன சோதனையில் ஈடுபட்டனர்....
பரங்கிபேட்டையில் முக்கிய வாகன நெரிசல் உள்ள பகுதிகளான சஞ்சிவிராயர்கோவில் தெரு சந்திப்பு,பெரியதெரு முனை,சின்னக்கடை தெரு, மீன் பிடி தளமான அன்னங்கோவில் மற்றும்சலங்கையம்மன் தெரு உள்ளிட்ட இடங்களில் போலீசார் நின்று சோதனையிட்டனர் மேலும் ஊர் முழுவதும் போலீசார் ரோந்து பணியில் ஈடுபட்டு வருகின்றனர்.....
இதனை பற்றி காவலர் ஒருவர் கூருகையில் அரசு உத்தரவு சோதனைகள் தொடரும் வாகன ஓட்டிகள் அனைவரும் கண்டிப்பாக ஹெல்மெட் அணிந்து வாகனம் ஓட்டவேண்டும் என்றார் இன்று முதல் நாள் என்பதால் நாங்கள் அதிகம் வாகனங்களை நிறுத்தவில்லை நாளடைவில் சோதனைகளும் அபராதங்களும் கடுமையாக இருக்கும் என்று தெரிவித்து உள்ளார்.
0 கருத்துகள்:
கருத்துரையிடுக