நிலத்தடி நீர் மட்டம்
புதுச்சத்திரம் அடுத்த பெரியபட்டு கிராமத்தில் தனியாருக்கு சொந்தமான சாயப்பட்டறை கட்டிட பணிகள் கடந்த 3 ஆண்டுகளாக நடந்து வருகிறது. இந்த பணிகள் முடிந்து, சாயப்பட்டறை செயல்பட தொடங்கினால், பெரியப்பட்டு பகுதியில் நிலத்தடி நீர் மட்டம் பெருமளவு குறைந்து, விவசாயம் பாதிக்கப்படும் நிலை ஏற்பட்டுள்ளது. எனவே பெரியப்பட்டில் சாயப்பட்டறை கட்டுவதற்கு தடை விதிக்க வேண்டும் என கோரி கிராம மக்கள் பல்வேறு போராட்டங்களை நடத்தி வருகின்றனர். அதன் படி மக்கள் வாழ்வாதார இயக்கம் சார்பில் நேற்று முன்தினம் மனித சங்கிலி போராட்டம் நடந்தது. இதில் ஆயிரத்திற்கும் மேற்பட்ட கிராம மக்கள் கலந்து கொண்டனர். நேற்று 2 –வது நாளாக கிராம மக்கள் பெரியப்பட்டு சாயப்பட்டறை கட்டிட பணிகளுக்கு எதிர்ப்பு தெரிவித்து ஆர்ப்பாட்டத்தில் ஈடுபட்டனர். இதில் அய்யம்பட்டு, சாமியார்பேட்டை உள்பட 10–க்கும் மேற்பட்ட கிராமங்களை சேர்ந்த மக்கள் கலந்து கொண்டனர். பின்னர் அவர்கள் கோரிக்கைகளை வலியுறுத்தி கோஷங்கள் எழுப்பினர்.
0 கருத்துகள்:
கருத்துரையிடுக