பரங்கிப்பேட்டை:பரங்கிப்பேட்டை உட்பட கடலூர் மாவட்டத்தில் வியாழக்கிழமை இரவில் தொடங்கிய மழை, வெள்ளிக்கிழமை காலை முதல் மாலை வரை பெய்தது. பின்னர், நள்ளிரவில் தொடங்கிய மழை தொடர்ந்து சனிக்கிழமை மாலை வரை நீடித்தது. தொடர்ந்து மாவட்டம் முழுவதும்இதே நிலை இருந்தது.இடைவிடாத மழை பெய்வதால் மக்களின் இயல்பு வாழ்க்கை பாதிக்கப்பட்டது.அதிகபட்சமாக கடலூர்,மற்றும் பரங்கிப்பேட்டையில் 37 மி.மீ., மழை பெய்துள்ளது.தென்மேற்கு வங்கக் கடலில் இலங்கைக்கு தெற்கில் குறைந்த காற்றழுத்த தாழ்வு பகுதி உருவானது. இந்த காற்றழுத்தத் தாழ்வுப்பகுதி நகர்ந்து தற்போது மன்னார் வளைகுடாவை ஒட்டிய கடல் பகுதியில் நிலை கொண்டுள்ளது. இதனால், கடலூர் மாவட்டத்தில் வியாழக்கிழமை இரவில் தொடங்கிய மழை, வெள்ளிக்கிழமை காலை முதல் மாலை வரை பெய்தது. பின்னர், நள்ளிரவில் தொடங்கிய மழை தொடர்ந்து சனிக்கிழமை மாலை வரை நீடித்தது. தொடர்ந்து மாவட்டம் முழுவதும் இதே நிலை இருந்தது. இதனால், தாழ்வான பகுதிகளில் மழைநீர் தேங்கியது. மேலும், சாலைகளில் மழைநீர் வழிந்தோடியது. கடல் சீற்றமாக காணப்பட்டதால் மாவட்டத்தில் உள்ள 64 மீனவ கிராமங்களிலும் மீனவர்கள் மீன்பிடிக்கச் செல்லவில்லை. தொடர்ந்து 3 நாள்களாக இக்கிராம மீனவர்கள் கடலுக்குள் செல்லாமல் உள்ளனர் என்பது குறிப்பிடத்தக்கது.மழை தொடர்ந்து பெய்ததால் பள்ளிகளுக்கு சனிக்கிழமை விடுமுறை அளிக்கப்பட்டது.
தொடர் மழையால் பொதுமக்களின் இயல்பு வாழ்க்கை பாதிக்கப்பட்டது. சில கிராமங்களில் குடிசை வீடுகள் இடிந்து விழுந்ததாகத் தகவல் தெரிவிக்கின்றன. இதுகுறித்த விவரங்களை சேகரிக்கும் பணியில் வருவாய்த் துறையினர் ஈடுபட்டுள்ளனர்.
மாவட்டத்தில் மழையளவு:
சனிக்கிழமை காலை 8 மணி நிலவரப்படி மாவட்டத்தில் பெய்த மழையளவு (மில்லி மீட்டரில்): சிதம்பரம் 32, கடலூர், பரங்கிப்பேட்டை 37, காட்டுமன்னார்கோவில் 28, தொழுதூர் 9, ஸ்ரீமுஷ்ணம் 36, விருத்தாசலம் 15, பண்ருட்டி 8, கொத்தவாச்சாரி 28, கீழச்செருவாய் 12, வானமாதேவி 22.40, அண்ணாமலை நகர் 32.60, சேத்தியாத்தோப்பு 24, புவனகிரி 25, லால்பேட்டை 30, மீ.மாத்தூர் 5, காட்டுமயிலூர் 9, வேப்பூர் 11, குப்பநத்தம் 13.80, லாக்கூர் 8.30, பாலந்துறை 18 மில்லி மீட்டர் மழை பதிவாகியுள்ளது.
மாவட்டம் முழுவதும் குளிர்ச்சியான காலநிலை நிலவுகிறது. தொடர் மழையினால் சம்பா நடவு செய்துள்ள வயல்களில் தண்ணீர் தேங்கியுள்ளது. மழை விட்ட பின்னரே வயலில் தேங்கியுள்ள நீரை வெளியேற்றும் பணியில் ஈடுபட முடியும் என விவசாயிகள் தெரிவித்தனர்.
0 கருத்துகள்:
கருத்துரையிடுக