சிதம்பரம் நகரின் போக்குவரத்து நெரிசலை குறைக்கவும், வெளியூர் வாகனங்கள் காலதாமதமின்றி செல்லவும் புறவழிச்சாலை அமைக்கப்பட்டது. இந்த சாலையில் கடலூர், புதுச்சேரி, சீர்காழி, நாகப்பட்டிணம் ஆகிய ஊர்களுக்கு தினமும் ஆயிரக்கணக்கான கனகர வாகனங்கள் மற்றும் பஸ், கார் போன்ற வாகனங்களும் செல்கின்றன.
சிதம்பரம் பகுதியில் தற்போது பெய்த கோடை மழையால் புறவழிச்சாலையின் பல இடங்களில் பெயர்ந்து, குண்டும், குழியுமான காட்சி அளிக்கிறது. மேலும், சாலையில் உள்ள பள்ளத்தில் வாகனங்கள் செல்லும் போது, அதில் உள்ள கற்கள் டயரில் குத்தி பஞ்சராகி விடுகிறது.
இரவு நேரங்களில் அதிவேகமாக செல்லும் இருசக்கர வாகனங்கள் சாலையில் உள்ள பள்ளத்தில் இறங்கி பெரிய அளவில் விபத்து ஏற்படும் அபாயம் உள்ளது. ஆயிரக்கணக்கான வாகனங்கள் அதிவேகமாக செல்லும் புறவழிச்சாலையில் ஏற்பட்டுள்ள சேதத்தால் வாகன ஓட்டிகள் பெரிதும் அவதியடைந்து வருகின்றனர்.
இது குறித்து சம்பந்தப்பட்ட நெடுஞ்சாலைத்துறை அதிகாரிகள் உடனடியாக நடவடிக்கை எடுத்து, புறவழிச்சாலையில் ஏற்பட்டுள்ள பள்ளத்தை சீரமைக்க வேண்டும் என்று வாகன ஓட்டிகள், பொதுமக்கள் எதிர்பார்க்கின்றனர்.
0 கருத்துகள்:
கருத்துரையிடுக