அகில இந்திய மாற்றுமுறை மருத்துவர்களின் அமைப்பான, இந்திய இயற்கை மருத்துவ கவுன்சிலின் முதல் மாநாடு கடலூரில் அண்மையில் நடைபெற்றது. கவுன்சிலின் அகில இந்திய தலைவர் ரவி தலைமை வகித்தார்.
எழுத்தாளர் ராமகிருஷ்ணன், அண்ணா பல்கலைக் கழக முன்னாள் துணைவேந்தர் கலாநிதி, கொள்கை பரப்புச் செயலர் வெங்கடாசலம்,
அகில இந்திய செயலர் அருண் சின்னையா ஆகியோர் பேசினர். பேராசிரியர் உஷா ரவி எழுதிய புத்தகங்கள் வெளியிடப்பட்டது.
பல்லாயிரக்கணக்கான பாரம்பரிய மருத்துவர்கள் மற்றும் அனைத்து மாற்றுமுறை மருத்துவர்களுக்கு மத்திய, மாநில அரசுகள் உரிய முறையில் சட்டப்பூர்வமான அங்கீகாரம் வழங்கி, அவர்களை அடிப்படை சுகாதாரப் பணிகளில் பயன்படுத்த வேண்டும். தமிழக சட்டப்பேரவையில் 110-வது விதியின் கீழ் முதல்வர் அறிவித்த பல்வேறு மாற்றுமுறை மருத்துவம் சார்ந்த திட்ட அறிவிப்புகளை உடனடியாக செயல்படுத்த வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
சித்தா பட்டய பயிற்சி முடித்தவர்களுக்கு சான்றிதழ் வழங்கப்பட்டது. டாக்டர் ராஜலிங்கம் நன்றி கூறினார்.
படங்கள் :மரு .பூபதி
0 கருத்துகள்:
கருத்துரையிடுக