சென்னை:தற்போதைய பாராளுமன்ற உறுப்பினர் தொல். திருமாவளவன் மீண்டும் சிதம்பரம் தொகுதியில் போட்டியிடுகின்றார்.16வது பாராளுமன்ற தேர்தல் தேதி அறிவிக்கப்பட்டு விட்டது, அதன்படி ஏப்ரல் 24ம் தேதி ஒரே கட்டமாக தமிழகம் மற்றும் புதுவையின் 40 தொகுதிகளில் தேர்தல் நடைபெற உள்ளது.திமுக தலைமையிலான ஜனநாயக முற்போக்குக் கூட்டணியில் அங்கம் வகிக்கும் விடுதலைச் சிறுத்தைகள் கட்சிக்கு சிதம்பரம் தொகுதியும், திருவள்ளூர் தொகுதியும் ஒதுக்கப்பட்டது.
இதனைத் தொடர்ந்து இத்தொகுதிகளில் போட்டியிடும் வேட்பாளார்களை அக்கட்சியின் தலைவர் தொல்.திருமாவளவன் இன்று சென்னையில் அறிவித்தார். இது தொடர்பாக சென்னையில் சென்னையில் இன்று செய்தியாளார்களைச் சந்தித்த திருமாவளவன், ‘சிதம்பரம் தொகுதியில் தான் மீண்டும் போட்டியிட உள்ளதாக அறிவித்துள்ளார். கடந்த 2009ம் ஆண்டு நடைபெற்ற லோக்சபா தேர்தலில் சிதம்பரம் தொகுதியில் போட்டியிட்டு திருமாவளவன் வெற்றி பெற்றார் என்பது குறிப்பிடத்தக்கது
மேலும், திருவள்ளூர் தனித் தொகுதியில் விடுதலைச் சிறுத்தைகள் கட்சியின் பொதுச்செயலாளர் ரவிக்குமார் நிறுத்தப்படுவதாகத் தெரிவித்துள்ளார்
0 கருத்துகள்:
கருத்துரையிடுக