சிதம்பரம் :சிதம்பரத்தில், ஜெயலலிதா பங்கேற்ற பொதுக்கூட்டத்தில் ஏற்பட்ட நெரிசலில் சிக்கி ஒருவர் உயிரிழந்தார். திருச்சியைச் சேர்ந்த பெண் காவலர் உள்பட 6 பேர் காயமடைந்தனர்சிதம்பரம் அருகே புறவழிச் சாலையில், வயல்வெளிப் பகுதியில் அதிமுக தேர்தல் பிரசார பொதுக்கூட்டம், செவ்வாய்க்கிழமை நடைபெற்றது. ஜெயலலிதா பேசத் தொடங்கிய சிறிது நேரத்தில், கூட்டத்தில் கடும் நெரிசல் நிலவியது.
இந்த நெரிசலில் சிக்கி அரியலூர் மாவட்டம், உடையார்பாளையம் அனைக்குடம் காலனியைச் சேர்ந்த நந்தன் (65) என்பவர் மயங்கி விழுந்தார். அவர் உடனடியாக ஆம்புலன்ஸ் மூலம் சிதம்பரம் அரசு மருத்துவமனைக்கு கொண்டு செல்லப்
பட்டார்.
அங்கு அவரை பரிசோதித்த மருத்துவர்கள், நந்தன்
ஏற்கெனவே இறந்துவிட்டதாக தெரிவித்தனர்.
மேலும் நெரிசலில் சிக்கி திருச்சி பட்டாலியனைச் சேர்ந்த பெண் காவலர் மல்லிகாசுந்தரி (23), கீரப்பாளையத்தைச் சேர்ந்த கோமேதகம் (50), எண்ணாநகரத்தைச் சேர்ந்த மலர்விழி (38), சித்தமல்லியைச் சேர்ந்த அதிமுக கிளைச் செயலாளர் ஜான்ஜோசப், எண்ணாநகரத்தைச் சேர்ந்த சௌம்யாபேகம் (50) உள்ளிட்ட 6 பேர் காயமடைந்து சிதம்பரம் அரசு மருத்துவமனை மற்றும் ராஜா முத்தையா மருத்துவக் கல்லூரி மருத்துவமனையில் சேர்க்கப்பட்டு சிகிச்சை பெற்று வருகின்றனர்.
.
0 கருத்துகள்:
கருத்துரையிடுக