 |
இதற்கான அறிவிப்பை தலைமை தேர்தல் ஆணையர் சம்பத் டெல்லியில் இன்று வெளியிட்டார். தேர்தல் தியதியை வெளியிட்டு அவர் பேசும் போது, "நாடாளுமன்றத் தேர்தல் ஏப்ரல் 07ஆம் தியதி முதல் ஆரம்பிக்கப்பட்டு 9 கட்டங்களாக நடத்தப்பட இருக்கிறது.
ஓட்டு எண்ணிக்கை மே மாதம் 16ஆம் தியதி நடத்தப்படும். நாடாளுமன்றத் தேர்தலுடன் ஒடிசா, சிக்கிம், தெலுங்கானா மற்றும் ஆந்திர மாநிலங்களுக்கும் சட்டசபைத் தேர்தல் நடத்தப்பட இருக்கிறது. வரும் 9ஆம் தியதி வாக்காளர் பட்டியலில் பெயர் சேர்க்க நாடு முழுவதும் சிறப்பு முகாம்கள் நடைபெறும்" என்று தெரிவித்தார்.
தமிழகம் மற்றும் பாண்டிச்சேரியில் ஏப்ரல் 24ஆம் தியதி ஒரே கட்டமாக வாக்குபதிவு நடைபெற இருக்கிறது. தேர்தல் தியதி அறிவிக்கப்பட்டு விட்டதால் இன்று முதல் தேர்தல் நடத்தை விதிகள் நடைமுறைக்கு வரும் என்பது குறிப்பிடத்தக்கது.
0 கருத்துகள்:
கருத்துரையிடுக