புவனகிரி வெள்ளாற்று பாலம் சீரமைப்பு 3 மாதத்திற்கு போக்குவரத்து தடை

கடலூர்:புவனகிரி வெள் ளாற்று பாலம் சீரமைக்கப்பட உள்ளதால் வரும் 23ம் தேதி முதல் 3 மாதங்களுக்கு பாலத்தில் வாகன போக்குவரத்து தடை செய்யப்பட்டுள்ளது.

இது குறித்து கலெக்டர் அலுவலக செய்திக் குறிப்பு:புவனகிரி வெள் ளாற்று பாலம் சீரமைக்கப் பட உள்ளதால் 23ம் தேதி முதல் 3 மாதங்களுக்கு பாலத்தில் வாகன போக்குவரத்து தடை செய்யப்பட உள்ளது. இதன் காரணமாக பொது மக்களுக்கு இடையூறு இல்லாத வகையில் பஸ்கள் மாற்றுப் பாதையில் செல்வதற்கு ஏற்பாடுகள் செய்யப்பட்டுள்ளன.

விருத்தாசலம் - சிதம்பரம் பஸ்கள் சேத்தியாத்தோப்பு, ஒரத்தூர், கீரப்பாளையம் வழியாக செல்லும். சிதம்பரம் - குறிஞ்சிப்பாடி செல்லும் பஸ்கள் பி.முட்லூர் - புவனகிரி வழியாகச் செல்லும். இவை தவிர புவனகிரி - பி.முட்லூர் தடத்தில் தேவைக்கேற்ப கூடுதல் பஸ்கள் இயக்கப்படவுள்ளன.பாலம் சீர் செய்யும் போது பாதசாரிகள் மட்டும் அனுமதிக்கப்படுவர். பொதுமக்கள் தங்கள் மேலான ஒத்துழைப்பை நல்குமாறு கேட்டுக்கொள்கிறோம்.இவ்வாறு கலெக்டர் கிர்லோஷ்குமார் கூறியுள்ளார்.