தமிழகத்தில் வட கிழக்குப் பருவ மழை தொடங்கியது: பரங்கிப்பேட்டை மற்றும் மாவட்டத்தில் பலத்த மழை

பரங்கிப்பேட்டை: பரங்கிப்பேட்டை மற்றும்  சுற்று பகுதியில்  நள்ளிரவு முதல் மழை பெய்ய தொடங்கியது.
கடலூர் மாவட்டத்தில் கடந்த 2 நாட்களாக வெயிலின் தாக்கம் அதிகமாக இருந்தது. இதனால் மக்கள் அவதிப்பட்டு வந்தனர். இந்த நிலையில் கடலூரில் நேற்று இரவு 12 மணிக்கு மழை  பெய்து வருகிறது

பரங்கிப்பேட்டையில் இன்று காலை முதல் பலத்த மழை பெய்தது
நேற்று காலை 8 மணியுடன் முடிவடைந்த 24 மணி நேரத்தில் அதிகபட்சமாக பரங்கிப்பேட்டையில் 75 மில்லி மீட்டர்  மழை பதிவாகியுள்ளது

வங்கக் கடலில் ஏற்பட்டுள்ள குறைந்த காற்றழுத்தத் தாழ்வு நிலையால் அடுத்த 48 மணி நேரத்தில் தமிழகத்தில் கன மழை பெய்யும் என்று வானிலை மையம் எச்சரித்துள்ளது.

தென் வங்கக்கடலில் நிலை கொண்டுள்ள குறைந்த காற்றழுத்த தாழ்வு நிலையால் மழை நீடிக்கும் என தெரிவிக்கப்பட்டுள்ளது. வானம் மேக மூட்டத்துடன் காணப்படும் என்றும், ஒரு சில இடங்களில் மழை பெய்யும் என்றும் வானிலை ஆய்வு மையம் தெரிவித்துள்ளது. மேலும், அடுத்த 24 மணி நேரத்தில் பல இடங்களில் மழை பெய்ய வாய்ப்புள்ளது என்றும் தெரிவிக்கப்பட்டுள்ளது.

 படங்கள்:முகநூல் நண்பர்கள்