பரங்கிப்பேட்டை: பரங்கிப்பேட்டை அருகே ஞாயிற்றுக்கிழமை (23/06/2013)கடலில் குளித்த 4 மாணவர்களை அலை அடித்துச் சென்றது. அதில் ஒரு மாணவர் கடலில் மூழ்கி இறந்தார். மீதமுள்ள மூவர் தப்பி கரையேறினர்.பரங்கிப்பேட்டை வண்ணாரப்பாளையத்தைச் சேர்ந்த மனோகர் மகன் மகேஷ்(18). அவர் தனது நண்பர்கள் நெல்லுகடைத் தெருவைச் சேர்ந்த விஸ்வகோபால், ரங்கசாமி, அப்பாசாமி படையாச்சி தெருவைச் சேர்ந்த சண்முகவேல் ஆகியோருடன் ஞாயிற்றுக்கிழமை அருகே உள்ள சாமியார்பேட்டை கடற்கரைக்குச் சென்று கடலில் குளித்துள்ளார்.
அப்போது கடலில் வந்த பெரிய அலையில் நால்வரும் சிக்கினர். இதில் மகேஷ் நீரில் மூழ்கினார். விஸ்வகோபால், ரங்கசாமி, சண்முகவேல் ஆகியோர் தப்பி கரைக்கு வந்து அங்குள்ள மீனவர்களிடம் மகேஷ் நீரில் மூழ்கியதைத் தெரிவித்தனர். மீனவர்கள் படகில் சென்று வலை வீசித் தேடிய போது மகேஷ் உடல் சிக்கியதை அடுத்து கரைக்குக் கொண்டு வந்தனர். இது குறித்து போலீஸார் விசாரணை மேற்கொண்டுள்ளனர்.
0 கருத்துகள்:
கருத்துரையிடுக