பரங்கிப்பேட்டை:பரங்கிப்பேட்டை வத்தகரை எனப்படும் அன்னங்கோவிலில் 13 கோடி ரூபாய் மதிப்பில் புதியதாக கட்டப்பட்ட மீன் இறங்குதளம் இன்னும் திறக்கப்படததால் மீனவர்கள் கடற்கரையோரம் மண் தரையில் சுகாதாரமற்ற முறையில் வெளி மாநிலங்களுக்கு மீன்களை அனுப்பி வருகின்றனர்.பரங்கிப்பேட்டை கடற்கரை கிராமங்களான சாமியார்பேட்டை, புதுக்குப்பம், புதுப்பேட்டை, சின்னூர், பரங்கிப்பேட்டை உட்பட 20க்கும் மேற்பட்ட கிராமங்களைச் சேர்ந்த மீனவர்கள் பிடிக்கும் மீன்களை அன்னங்கோவிலில் ஏலம் விடப்பட்டு பேக்கிங் செய்து லாரிகள் மூலம் மூலம் கேரளா, ஆந்திரா உள்ளிட்ட வெளி மாநிலங்களுக்கு அனுப்பப்படுகிறது.
அன்னங்கோவிலில் மீன் இறங்குதளம் அமைக்க மீனவர்கள் கோரிக்கை வைத்ததன் பேரில் அரசு சார்பில் 13 கோடி ரூபாய் மதிப்பில் புதியதாக மீன்பிடி இறங்குதளம் அமைக்கப்பட்டது.
அனைத்து பணிகளும் முடிந்த நிலையில் இன்னும் திறக்கப்படாமல் உள்ளது. இதனால் மீனவர்கள் மண் தரையிலேயே கொட்டி மீன் வகைகளை வெளி மாநிலங்களுக்கு அனுப்பி வருகின்றனர்.
தற்போது அன்னங்கோவில் பகுதியில் தண்ணீர் தேங்கி துர்நாற்றம் வீசும் இடங்களில்லேயே சுகாதாரமற்ற முறையில் மீன்கள் கேரளா உள்ளிட்ட வெளி மாநிலங்களுக்கு அனுப்பப்படுகிறது. இதனால், குறைந்த விலைக்கு மீன் வகைகள் எடுக்கப்படுவதாக மீனவர்கள் புலம்புகின்றனர்.
எனவே புதியதாக கட்டப்பட்ட மீன் இறங்கு தளத்தை திறக்க மீன் வளத்துறை அதிகாரிகள் நடவடிக்கை எடுக்க வேண்டும்.
0 கருத்துகள்:
கருத்துரையிடுக