பரங்கிப்பேட்டை: அல்மதரஸத்துல் மஹ்மூதிய்யா அரபிக் கல்லூரியில் திருக்குர்ஆனை மனனம் செய்த ஹாஃபிழ்களுக்கு நேற்று பட்டமளிப்பு விழா மீராப்பள்ளியில் நடைப்பெற்றது. சென்னை காஷிபுல் ஹுதாவுடன் இணையப்பெற்ற பரங்கிப்பேட்டை அல்மதரஸத்துல் மஹ்மூதிய்யாவின் 7-வது ஆண்டு ஹாஃபிழ் பட்டமளிப்புவிழா ஜூம்ஆ தொழுகைக்கு முன்னதாக காலை 10 மணியளவில் மீராப்பள்ளியில் நடைப்பெற்றது.ஹெச். கபீர் அஹமது மகக்காயர் மதனி தலைமையில் நடைப்பெற்ற இந்த பட்டமளிப்பு விழாவிற்கு பரங்கிப்பேட்டை பேரூராட்சி மன்றத் தலைவரும் இஸ்லாமிய ஐக்கிய ஜமாஅத் செயல் தலைவருமான முனைவர் எம்.எஸ். முஹம்மது யூனுஸ், இஸ்லாமிய ஐக்கிய ஜமாஅத் தலைவர் கேப்டன் ஹமீது அப்துல் காதர், ஹெச.எம்.ஹெச். பள்ளிவாசல் முத்தவல்லி ஹெச்.எம். ஹனீபா, அப்துல் காதிர் மரைக்காயர் உமரி, தவ்லத்துன்னிசா அரபிக் கல்லூரி தாளாளர் எஸ்.ஓ. செய்யது ஆரிப் ஆகியோர் முன்னிலை வகித்தனர்.
ஹெச். அப்துஸ் ஸமது ரஷாதி கிராத்துடன் துவங்கிய இவ்விழாவில் மீராப்பள்ளி முத்தவல்லி யூ. ஜமால் முஹம்மது வரவேற்புறை நிகழ்த்தி ஆண்டறிக்கை வாசித்தார். திருக்குர்ஆனை மனனம் செய்த மாணவர்களுக்கு பட்டம் வழங்கி சிறப்புரையாற்றினார் சென்னை காஷிபுல் ஹுதா கல்லூரி பேராசிரியர் வி.எம். ஹிதாயத்துல்லா பாகவி; மேலும் இக்கல்லூரியின் மற்றொரு பேராசிரியரும் மனாருல் ஹுதா இதழ் ஆசிரியருமான எம். ஷேக் அப்துல் காதரும் சிறப்புரை நிகழ்த்தினார்.
மேலும் இவ்விழாவில், JAQH மாநிலத் தலைவர் அப்துல் காதர் மதனி, மீராப்பள்ளி இமாம் அஹமது கபீர் கா'ஷிபி, நவாபு பள்ளி இமாம் கவுஸ் முஹயத்தீன் மன்பஈ உள்ளிட்ட பள்ளிவாசல் இமாம்கள் வாழ்த்துரை வழங்கினர்.
நன்றி :MYPNO.COM
0 கருத்துகள்:
கருத்துரையிடுக