பரங்கிப்பேட்டை :பரங்கிப்பேட்டை அருகே உள்ள பு.முட்லூர் இஸ்லாம்ஷா நகரைச் சேர்ந்தவர் அப்துல்ரஜாக் மனைவி ஜகருன்னிசா (70). கடந்த சில தினங்களுக்கு முன்பு இவரது வீட்டில் வாலிபர் ஒருவர் உள்ளே புகுந்து அவரது கழுத்தில் கிடந்த செயினை பறிக்க முயன்றுள்ளார். ஜகருன்னிசா சத்தம் போட்டதால் அக்கம் பக்கத்தில் உள்ளவர்கள் ஓடிவந்து வாலிபரை பிடித்து பரங்கிப்பேட்டை போலீசில் ஒப்படைத்தனர். விசாரணையில் அவரது பெயர் ஜெகதீஷ்(24), குறிஞ்சிப்பாடி சஞ்சீவி நகரைச் சேர்ந்தவர் என தெரியவந்தது. பின்னர் போலீசார் அவர் மீது வழக்குப்பதிவு செய்து விசாரணை நடத்தினர்.
இந்நிலையில் மூதாட்டியிடம் செயின் பறிக்க முயன்ற சம்பவத்தில் தொடர்புடைய இரண்டு பேர் கைது செய்யப்பட்டார்கள். குறிஞ்சிப்பாடியைச் சேர்ந்த ரமேஷ் என்பவரும் இச்சம்பவம் தொடர்பாக கைது செய்யப்பட்டார். கடலூர் மாவட்ட டெல்டா பிரிவு சப்-இன்ஸ்பெக்டர் நடராஜன் தலைமையில் போலீசார் நேற்று ரமேஷை பிடித்து பரங்கிப்பேட்டை போலீசில் ஒப்படைத்தார்கள்.
போலீசார் அவர் மீதும் வழக்குப்பதிந்து விசாரணை நடத்தி வருகிறார்கள்.
0 கருத்துகள்:
கருத்துரையிடுக