கடல் பகுதியில் பலத்த காற்று படகுகள் கரையோரம் நிறுத்தம்

பரங்கிப்பேட்டை: கடல் பகுதியில் பலத்த காற்று வீசுவதால் கடந்த இரண்டு நாட்களாக பரங்கிப்பேட்டை கடற்கரையோர மீனவர்கள் மீன் பிடிக்க கடலுக்கு செல்லாத தால் தங்களது படகுகளை கடற்கரையோரம் நிறுத்தி வைத்துள்ளனர். பரங்கிப்பேட்டை கடற்கரை கிராமங்களான சாமியார்பேட்டை, புதுக்குப்பம், தேவனாம்பட்டினம், புதுப்பேட்டை, பரங்கிப்பேட்டை, சின்னூர் உட்பட 20க்கும் மேற்பட்ட கிராமங்களைச் சேர்ந்த மீனவர்கள் பரங்கிப்பேட்டை வெள்ளாற்று முகத்துவாரம் வழியாக கடலுக்கு மீன் பிடிக்கச் சென்று வருகின்றனர். இந்நிலையில் பரங்கிப்பேட்டை கடல் பகுதியில் பலத்த காற்று வீசி வருவதால் கடந்த 2 நாட்களாக மீனவர்கள் கடலுக்கு மீன் பிடிக்கச் செல்லாமல் தங்களது படகுகளை அன்னங்கோவில் கடற்கரையோரம் நிறுத்தி வைத்துள்ளனர். இதனால் 2 நாட்களாக கேரளா, கர்நாடகா உள்ளிட்ட வெளி மாநிலங்களுக்கு மீன்கள் அனுப்பப்படவில்லை.