பரங்கிப்பேட்டை:பரங்கிப்பேட்டைக்கு உட்பட்ட, குறிப்பாக மக்கள் வாழும் பகுதிகளை தூய்மையாக வைத்துக் கொள்ள பேரூராட்சி நிர்வாகம் முயன்று வருகின்றது.
துப்புரவு பணியாளர்கள் குறைவாக இருக்கும் நிலையிலும் தேவைக்கேற்ப பகுதிவாரியாக அவர்களை பிரித்து இயக்குகின்றது பஞ்சாயத்து போர்டு நிர்வாகம்.
தூய்மையின் ஒரு பகுதியாக தினமும் வீடுகள் தோறும் சென்று குப்பைகளை எடுக்க பெண் துப்புரவு பணியாளர்கள் நியமிக்கப்பட்டுள்ளனர். தெருக்கள் பிரிக்கப்பட்டு சுமார் 28 பணியாளர்கள் இதில் ஈடுபடுகின்றனர்.
வீடுகளிலிருந்து பெறப்படும் குப்பைகள் மக்கும் குப்பை – மக்காத குப்பை என்று பிரிக்கப்பட்டு எடுத்துச் செல்லப்படுகின்றது.
வீடுகளின் அன்றாட பயன்பாடுகளிலிருந்து கழிவுகளாக வரும் இத்தகைய குப்பைகளை தெருக்களில் தூக்கி வீசி சுகாதார சீர்கேட்டை உருவாக்கக் கூடாது என்பதற்காகவே வீடுகள் தோரும் குப்பை எடுக்கும் திட்டத்தை பஞ்சாயத்து போர்டு தலைவர் முனைவர். யூனுஸ் முன்னெடுத்தாலும் பல வீடுகளில் இதற்கு ஒத்துழைப்பு கிடைக்காத நிலை நீடிக்கின்றது.
வீடுகளுக்கு வரும் துப்புரவு தொழிலாளர்களிடம் குப்பைகளை ஒப்படைக்காமலிருப்பது
குப்பைகளை தூக்கி வீதிகளில் வீசுவது
துப்புரவு தொழிலாளர்களுக்கு மாதந்தோரும் அன்பளிப்பாக கொடுக்கும் ரூ.20 போன்ற சிறு தொகையைக் கூட முறையாக கொடுக்க மறுப்பது
இது போன்று இன்னும் சிலதையும் குறிப்பிடலாம்.
என்னதான் சீரான நிர்வாகம் அமைந்தாலும் மக்களின் ஒத்துழைப்பு இருந்தால் மட்டுமே திட்டங்களை முறையாக செயல்படுத்த முடியும் இதை மக்கள் உணர்ந்து ஒத்துழைப்பு கொடுக்க வேண்டும்.
நன்றி :pno times
0 கருத்துகள்:
கருத்துரையிடுக