கடலூர் மாவட்டம், பரங்கிப்பேட்டை ஒன்றிய மார்க்சிஸ்ட் கம்யூனிஸ்ட் கட்சி ஒன்றிய மாநாடு திங்கள்கிழமை நடைபெற்றது.
இம் மாநாட்டில் ஜீவா, மணி, மனோண்மணி ஆகியோர் தலைமைக் குழுவாக செயல்பட்டனர். கடலூர் மாவட்டச் செயலர் டி.ஆறுமுகம் மாநாட்டை தொடங்கி வைத்துப் பேசினார். மாநிலக் குழு உறுப்பினர் மூசா, மாவட்டச் செயற்குழு உறுப்பினர் பி.கற்பனைச்செல்வம் ஆகியோர் பேசினர். இதனைத் தொடர்ந்து விவாதம், தொகுப்புரை, புதிய ஒன்றியக் குழு நிர்வாகிகள் தேர்வு, ஒன்றியச் செயலர் தேர்வு ஆகியன நடைபெற்றன. ஒன்றியச் செயலாளராக எஸ்.ஜி ரமேஷ்பாபுவும், 12 ஒன்றியக் குழு உறுப்பினர்களும் தேர்வு செய்யப்பட்டனர்.
இக் கூட்டத்தில் பரங்கிப்பேட்டை அருகே அமைக்கப்பட்டு வரும் தனியார் மின் உற்பத்தி நிலையத்துக்கு பசுமை தீர்ப்பாயம் தடை விதித்தும், தொடர்ந்து பணிகள் நடைபெற்று வருகின்றன. இச் செயலைக் கண்டித்து டிசம்பர் 16ஆம் தேதி கே.பாலகிருஷ்ணன் எம்.எல்.ஏ. தலைமையில் முற்றுகைப் போராட்டம் நடத்துவது, சைமா சாயப்பட்டறை தொழிற்சாலை அமைய உள்ள இடத்தில் அப்பகுதி மக்களுக்கு தேவையான அடிப்படை வசதிகள் செய்து கொடுக்காமல் பணியை மேற்கொள்ள கூடாது, கொள்ளிடம் ஊற்று நீரை கான்சாகிப் வாய்க்காலில் திருப்பி விடும் ரூ400 கோடி மதிப்புள்ள திட்டப் பணிகளை உடனே தொடங்க வேண்டும் என்பன உள்ளிட்டத் தீர்மானங்கள் நிறைவேற்றப்பட்டன.
0 கருத்துகள்:
கருத்துரையிடுக