பரங்கிப்பேட்டையில் சுகாதார குழுவினர் கடைகளில் திடீர் ஆய்வு

பரங்கிப்பேட்டை பகுதியில் தமிழக அரசால் தடை செய்யப்பட்ட புகையிலை பொருட்கள் விற்பனை செய்யப்படுவதாக சுகாதார துறையினருக்கு தகவல் கிடைத்தது. இதையடுத்து, கடலூர் மாவட்ட சுகாதாரத்துறையைச் சேர்ந்த இருதயராஜ் தலைமையிலான 15 பேர் கொண்ட குழுவினர் பரங்கிப்பேட்டை பகுதியில் உள்ள கடைகளில் திடீர் ஆய்வு நடத்தினர். அப்போது, அங்கிருந்த சில கடைகளில் புகையிலை பொருட்கள் விற்பனைக்காக வைக்கப்பட்டிருந்தது கண்டுபிடிக்கப்பட்டது. இதையடுத்து, அக்குழுவினர் புகையிலை பொருட்களை பறிமுதல் செய்து, கடைக்காரர்களுக்கு எச்சரிக்கை விடுத்தனர்