கடலூர் மாவட்டம், பரங்கிப்பேட்டையில் அமைந்துள்ள வெள்ளாறு ஆற்று முகத்துவாரம் வழியாக பல மீனவ கிராமங்களைக் சேர்ந்த மீன்பிடி படகுகள் கடலுக்குள் சென்று மீன்பிடி தொழிலில் ஈடுபட்டு வருகின்றன - இந்த ஆற்று முகத்துவாரம் மிகவும் அகலமாயிருப்பதால், பருவ காலத்திற்குத் தகுந்தாற்போல் முகத்துவாரத்தில் மணல் திட்டுகள் ஆங்காங்கே இடம் மாறி அமைவதால், ஆற்றின் முகத்துவாரம் கடல் அலையின் போக்கிற்கேற்ப மாறிக்கொண்டேயிருந்தது - அது மட்டுமல்லாமல் முகத்துவாரத்தில் மணல் சேர்ந்து ஆழம் குறைந்து, மீன்பிடி படகுகள் கடலுக்குள் பாதுகாப்பாக செல்ல முடியாமல் அவ்வப்போது தடைபட்டன. வெள்ளாறு ஆற்று முகத்துவாரத்தை சரி செய்யும் பொருட்டு 14 கோடியே 45 லட்சம் ரூபாய் மதிப்பீட்டில் முகத்துவாரத்தில் ஆற்றின் போக்கு ஒரு குறிப்பிட்ட பாதையில் எப்போதும் செல்லுமாறு கற்களைக் கொண்டு கரை ஏற்படுத்தி, தூர்வாரி ஆழப்படுத்தி முகத்துவாரத்தை நிலைப்படுத்தும் பணிகள் முடிக்கப்பட்டு மீனவர்களின் பயன்பாட்டிற்காக முதலமைச்சர் ஜெயலலிதா அவர்களால் காணொளி மூலம் திறந்து வைக்கப்பட்டது.
இந்த நிகழ்ச்சியில், மின்சாரம், மதுவிலக்கு மற்றும் ஆயத்தீர்வைத் துறை அமைச்சர் திரு. நத்தம் இரா. விசுவநாதன், கால்நடை பராமரிப்புத் துறை அமைச்சர் திரு டி.கே.எம். சின்னய்யா, மீன் வளத் துறை அமைச்சர் திரு கே.ஏ. ஜெயபால், தலைமைச் செயலாளர் திரு மோகன் வர்கீஸ் சுங்கத், தமிழ்நாடு அரசு ஆலோசகர் திருமதி ஷீலா பாலகிருஷ்ணன், இ.ஆ.ப., (ஓய்வு), கால்நடை பராமரிப்பு, பால்வளம் மற்றும் மீன்வளத் துறைச் செயலாளர் முனைவர் ச. விஜயகுமார், இ.ஆ.ப., மீன் வளத்துறை ஆணையர் டாக்டர் பீலா ராஜேஷ், இ.ஆ.ப., கால்நடை பரமரிப்புத் துறை இயக்குநர் திரு த. ஆபிரகாம், இ.ஆ.ப., மற்றும் அரசு உயர் அலுவலர்கள் கலந்து கொண்டனர்.
0 கருத்துகள்:
கருத்துரையிடுக