திங்கள், 2 ஜூன், 2014

பரங்கிப்பேட்டையில் பைக் மீது லாரி மோதல் கூட்டுறவு வங்கி தலைவர் சாவு


பரங்கிப்பேட்டை: பரங்கிப்பேட்டை அருகே பைக் மீது லாரி மோதிய விபத்தில் கூட்டுறவு வங்கி தலைவர் இறந்தார். பரங்கிப்பேட்டையை சேர்ந்தவர் ரமேஷ் (45). பரங்கிப்பேட்டை தொடக்க வேளாண் கூட்டுறவு கடன் சங்க தலைவர். இவர், நேற்று அகரத்தில் வசிக்கும் தனது தந்தை ராமுவை பார்க்க என்பீல்டு பைக்கில் பரங்கிப்பேட்டைக்கு வந்துக் கொண்டிருந்தார். அகரம் அருகே வந்தபோது, பரங்கிப்பேட்டையில் இருந்து சிதம்பரம் நோக்கி சென்ற லாரி, பைக் மீது மோதியது. இந்த விபத்தில் ரமேஷ் உடல் நசுங்கி சம்பவ இடத்திலேயே இறந்தார். இதுகுறித்து பரங்கிப்பேட்டை போலீசார் வழக்கு பதிந்து விசாரித்து வருகிறார். இறந்த ரமேஷிற்கு திருமணமாகி கீதா என்ற மனைவியும், சுவேதா (10) என்ற மகளும், செல்வராகவன் (8) என்ற மகனும் உள்ளனர்.

 

0 கருத்துகள்:

கருத்துரையிடுக