"ஆபரேஷன் ஹம்லா' பரங்கிப்பேட்டை கடற்கரையோர பகுதிகளில் ஒத்திகை

பரங்கிப்பேட்டை: "ஹம்லா' ஆபரேஷனையொட்டி நேற்று பரங்கிப்பேட்டை கடற்கரையோர கிராமங்களில் போலீசார் தீவிர சோதனை நடத்தினர். கடல் வழியாக தீவிரவாதிகள் ஊடுருவலை தடுப்பதற்காக பாதுகாப்பு நடவடிக்கைகளை பரிசோதிக்கும் வகையில் தமிழக போலீசார் மற்றும் கடலோர காவல்படையினர் "ஹம்லா' ஆபரேஷன் நடத்தி வருகின்றனர். அதனையொட்டி, நேற்று பரங்கிப்பேட்டை அன்னங்கோவில், முடசல் ஓடை உள்ளிட்ட மீன் இறங்குதளம் பகுதிகளில் கடலில் இருந்து மீன் பிடித்து வந்த மீனவர்களிடம் போலீசார் விசாரணை நடத்தினர். அகரம் ரயில் நிலையம், பஸ் நிலையம், மார்க்கெட் உள்ளிட்ட முக்கிய இடங்களில் போலீசார் ரோந்து பணியில் ஈடுபட்டுள்ளனர். மேலும், புதுச்சத்திரம் சுற்றுப் பகுதிகளான சாமியார்பேட்டை, ரெட்டியார்பேட்டை, அய்யம்பேட்டை உள்ளிட்ட கடற்கரை பகுதிகளிலும் தீவிர சோதனையில் ஈடுபட்டனர்.