பரங்கிபேட்டையில் அமைய இருக்கும் ஐ.எல்.எஃப்.எஸ் என்ற தனியார் மின் தொழிற்சாலை நிர்வாகம் தொழிலாளர் விரோத நடவடிக்கையை கைவிட வேண்டுமெனவும், 5 தொழிலாளர்களின் பணி நீக்கத்தை தொழிலாளர் நலத்துறை அனுமதிக்க கூடாது உள்ளிட்ட பல்வேறு கோரிக்கைகளை வலியுறுத்தி வெள்ளிக்கிழமையன்று புதுச்சத்திரம் அருகே கடலூர் மெயின்ரோட்டில் சாலைமறியல் ஈடுபட சிஐடியூ மாநிலச் செயலாளர் கருப்பையா தலைமையில் தொழிற்சங்கத்தினர் கூடினர்.
அப்போது சிதம்பரம் டிஎஸ்பி ஆர்.ராஜாராம், வருவாய் ஆய்வாளர் செந்தில்வேல் ஆகியோர் சம்பவ இடத்திற்கு வந்து சிஐடியு மாநிலச் செயலாளர் கருப்பையா, மாவட்டச் செயலாளர் எஸ்.ஜி.ரமேஷ்பாபு உள்ளிட்ட நிர்வாகிகளிடம் பேச்சுவார்த்தை நடத்தினர். பேச்சுவார்த்தையில் 5 தொழிலாளர்களின் பணி நீக்கம் தொடர்பாக வரும் 20-ந்தேதி கடலூர் தொழிலாளர் நல அலுவலர் தலைமையில் பேச்சுவார்த்தை நடத்துவது.
அதில் தீர்வு ஏற்படவில்லை எனில் சிதம்பரம் உதவிஆட்சியர் அலுவலகத்தில் பேச்சுவார்த்தைக்கு ஏற்பாடு செய்து பிரச்சனைக்கு தீர்வு காண்பது என முடிவு செய்யப்பட்டது. இதனால் வெள்ளிக்கிழமையன்று நடைபெறவிருந்த சாலைமறியல் போராட்டம் தற்காலிகமாக விலக்கி கொள்ளப்பட்டது.
source:mypno
0 கருத்துகள்:
கருத்துரையிடுக