ஞாயிறு, 22 ஜூன், 2014

3 நாட்கள் நடைபெற்ற SSA கோப்பை கால்பந்து போட்டிகள்

பரங்கிப்பேட்டை: பரங்கிபேட்டை வாத்தியாப்பள்ளி திடலில் சுல்தான் சலாஹுத்தீன் அய்யூபி (SSA) கோப்பைக்கான கால்பந்து விளையாட்டுப் போட்டிகள் கடந்த வெள்ளிக்கிழமை துவங்கி 3 நாட்கள் நடைபெற்றது. இதில்சென்னை,ஓசூர், புதுவை, கடலூர், பரங்கிபேட்டை, சிதம்பரம், திருச்சி, காரைக்கால், அத்திக்கடை, உள்ளிட்ட 15 அணிகள் பங்கேற்றன.  துவக்க நிகழ்ச்சியில் சிதம்பரம் தொகுதி சட்டமன்ற உறுப்பினர் பாலகிருஷ்ணன்,பரங்கிபேட்டை பேரூராட்சி தலைவர் முஹமது யூனுஸ்,ஜமாஅத் தலைவர் ஹமீது
அப்துல் காதர் உட்பட பலர் கலந்துகொண்டு சிறப்பித்தனர்.
  
இறுதி நாள்  மாலை 6 மணிக்கு நடைப்பெற்ற பரிசளிப்பு விழா நிகழச்சியில் முதல் நான்கு இடங்கள் பெற்ற அணிகளுக்கு கோப்பைகள் மற்றும் ரொக்க பரிசுகள் வழங்கப்பட்டன. மீரரப்பள்ளி நிர்வாகி ஷேக் அப்துல் காதர் முன்னிலையில் நடைப்பெற்ற பரிசளிப்பு விழாவில் பரங்கிப்பேட்டை பேரூராட்சி மன்றத் தலைவர் எம்.எஸ். முஹம்மது யூனுஸ் சிறப்பு விருந்தினராக கலந்துக் கொண்டார்.
முதல் பரிசு: சிதம்பரம் நோபல் அகடாமி அணியினர், ரொக்கப் பரிசு ரூ. 12,000 மற்றும் கோப்பை
இரண்டாம் பரிசு: புதுவை அணியினர், ரொக்கப் பரிசு ரூ. 8,000 மற்றும் கோப்பை
மூன்றாம் பரிசு : சென்னை அணியினர், ரொக்கப் பரிசு ரூ. 6,000.00 மற்றும் கோப்பை
நான்காம் பரிசு : SSA - A (PNO) அணியினர், ரொக்கப் பரிசு ரூ. 5,000.00 மற்றும் கோப்பை
இந்த மூன்று நாள் போட்டிகளையும் SSA ஒருங்கிணைப்பாளர் GM நெய்னா மிகவும் சிறப்பாக ஏற்பாடு செய்து நடத்தியது குறிப்பிடத்தக்கது.









 


0 கருத்துகள்:

கருத்துரையிடுக