முசாபர்நகர் கலவர குற்றவாளிகளை வேட்பாளர்களாக பரிந்துரைத்துள்ள உத்தர பிரதேச பாஜக

லக்னோ: முஸஃபர் நகரில் நடந்த கலவரத்தில் தொடர்புடைய நான்கு எம்.எல்.ஏ.க்களின் பெயர்களை அம்மாநில பாரதீய ஜனதா கட்சி தனது வேட்பாளர்கள் பரிந்துரை பட்டியலில் இணைத்துள்ளது. பாரதீய ஜனதாவிற்கு அனுப்பப்பட்டுள்ள 200 பெயர்கள் கொண்ட பரிந்துரை பட்டியலில் முஸஃபர் நகரில் கலவரத்தில் குற்றம் சாட்டப்பட்ட எம்.எல்.ஏ.க்கள் சுரேஷ் ராணா, ஹக்கும் சிங், சஞ்சீவ் சோம், பாரத்தேந்து சிங் பெயர் இடம் பெற்றுள்ளதை அம்மாநில பாரதீய ஜனதா தலைவர் உறுதி செய்துள்ளார். மேற்கு உத்தர பிரதேசத்தில் சாதி வேற்றுமையை தவிர்த்து இந்து என்ற முறையில் ஒருங்கிணைக்க பா.ஜ.க. தலைவர்கள் முயற்சித்து வருகின்றனர்.