பரங்கிப்பேட்டை அருகே கடல் அலையில் சிக்கி மூன்று மாணவர்கள் சாவு

பரங்கிப்பேட்டை:கடலூர் மாவட்டம் பரங்கிப்பேட்டை அருகே புதன்கிழமை கடலில் குளித்த மாணவர்கள் மூவர் அலையில் சிக்கி மரணமடைந்தனர். 3 மாணவர்கள் உயிர் தப்பினர்.
 புதுச்சத்திரம் அடுத்த புத்தரவள்ளி கிராமத்தைச் சேர்ந்த சேகர் மகன் கார்த்திக் (21). இவர் பண்ருட்டியில் உள்ள தனியார் கல்லூரியில் டிப்ளமா இன் எலக்டிரிகல் பயிலுகிறார். மாணவர் கார்த்திக்கின் தம்பி விஜய் (17) கடலூரில் உள்ள தனியார் பள்ளியில் பிளஸ்டூ பயிலுகிறார். இந்நிலையில் புதன்கிழமை பக்ரீத் விடுமுறையை முன்னிட்டு கார்த்திக், விஜய் மற்றும் நண்பர்களான கூச்சிமேடு கிராமத்தைச் சேர்ந்த கடலூர் தனியார் கல்லூரியில் பிடெக் பயிலும் மாணவர் லட்சுமணன், (21), பாலகுமார் (21), கணபதி (21), மணிகண்டன் (21) ஆகிய 6 பேரும் புதுச்சத்திரம் அருகே உள்ள ஐய்யம்பேட்டை கடற்கரைக்கு சென்று கடலில் குளித்துள்ளனர். அப்போது ராட்சத அலையில் 6 பேரும் சிக்கியுள்ளனர். இதில் பாலகுமார், கணபதி, மணிகண்டன் ஆகிய மூவரும் அலையிலிருந்து மீண்டு தப்பி கரையேறினார். மீதமுள்ள கார்த்திக், விஜய், சரவணன் மூவரும் கடல் அலையில் மூழ்கினர். அவரது உடல்கள் சிறுதுநேரத்தில் கரை ஒதுங்கியது. தகவல் அறிந்த புதுச்சத்திரம் போலீஸார் உடல்களை கைப்பற்றி பிரதே பரிசோதனைக்கு கடலூர் அரசு மருத்துவமனைக்கு அனுப்பி வைத்தனர்