பரங்கிப்பேட்டை:பரங்கிப்பேட்டை வட்டாரத்தில் தானே புயலால் பாதிக்கப்பட்ட விவசாயிகளுக்கு நிவாரண உதவிகள் வழங்கப்பட்டன.கடலூர் மாவட்டம் பரங்கிப்பேட்டை வட்டாரத்தில் டிசம்பர் 11-ம் தேதி தானே புயலால் 47 விவசாயிகளின் 537 தென்னை மரங்கள் பாதிக்கப்பட்டன. மேற்கண்ட விவசாயிகளுக்கு விழுந்த மரங்களை வெட்டி அகற்றிட ஒரு மரத்துக்கு ரூ.500ம், நடுவதற்கு தென்னங் கன்றுகளும் வழங்கப்பட்டன. மேலும் ஒரு மரத்துக்கு யூரியா 0.650 கிலோ, சூப்பர் பாஸ்பேட் 1.0 கிலோ, பொட்டாஷ் 1.0 கிலோ மற்றும் உயிர் உரங்களான ரைசோபிசம், பாஸ்போபாக்டிரியா, தென்னை நுண்ணுரம், உளுந்து சிறுதளை ஆகியன விலையில்லாமல் வழங்கப்பட்டது.
பரங்கிப்பேட்டை வேளாண் விரிவாக்க மையத்தில் வேளாண் துணை இயக்குநர் (மாநில திட்டங்கள்) டாக்டர் க.இளங்கோ கிள்ளை, குறியாமங்கலம் ஆகிய பகுதிகளில் தென்னை பாதித்த விவசாயிகளுக்கு விலையில்லா மணிலா நிறுதளைகள் மற்றும் உயிர் உரங்களை வழங்கி 2-ம் ஆண்டு நிவாரண பணியை வெள்ளிக்கிழமை தொடங்கி வைத்தார். அதே விவசாயிகளுக்கு யூரியா, சூப்பர்பாஸ்பேட், பொட்டாஷ், உயிர் உரங்களுக்கு உரிய பரிந்துரை விண்ணப்பங்கள் விவசாயிகளுக்கு வழங்கப்பட்டு பி.முட்லூர் தொடக்க வேளாண்மை கூட்டுறவு கடன் சங்கம் மூலம் பெற்றுக்கொள்ள ஏற்பாடு செய்யப்பட்டுள்ளது என க.இளங்கோ தெரிவித்தார்.
நிகழ்ச்சியில் வேளாண் உதவி இயக்குநர் ரமேஷ், வேளாண் அலுவலர் கே.சந்துரு, துணை வேளாண்மை அலுவலர் ஆர்.திருஞானம் உள்ளிட்டோர் பங்கேற்றனர். உதவி வேளாண் அலுவலர்கள் ராஜா, பிரான்சிஸ், சின்னமணி ஆகியோர் விழா ஏற்பாடுகளை செய்திருந்தனர்.
0 கருத்துகள்:
கருத்துரையிடுக