சிதம்பரம்:சிதம்பரம் நகரில் வெள்ளிக்கிழமை கிணற்றில் தூர்வாரும் போது விஷவாயு தாக்கி 2 பேர் இறந்தனர்.சிதம்பரம் இளமையாக்கினார் கோயில் தெருவில் உள்ள ஒரு கட்டடத்தின் பின்புறம் உள்ள சுமார் 75 அடி ஆழமுள்ள கிணற்றை தூர் வாருவதற்காக உரிமையாளர் ஹாஜாமைதீன், சிதம்பரம் பழைய புவனகிரி ரோட்டைச் சேர்ந்த சின்னதம்பி (46), அவரது மருமகன் வெற்றிகுரு (28) ஆகிய இருவரை வெள்ளிக்கிழமை காலை அழைத்து வந்து பணியை தொடங்கியுள்ளார்.
இந்நிலையில் தூர் வாரிக்கொண்டிருக்கும்போது வியாழக்கிழமை பிற்பகல் விஷவாயு தாக்கி கிணற்றிலேயே 2 பேரும் மயங்கி விழுந்தனர். நீண்ட நேரமாகியும் வெளியே வராததால் கட்டட உரிமையாளர் உடனடியாக தீயணைப்புத் துறையினருக்கும், காவல்துறையினருக்கும் தகவல் தெரிவித்துள்ளார். நிலைய அலுவலர் ஜஹாங்கீர்முகமது தலைமையில் தீயணைப்பு மீட்புத் துறையினர் விரைந்து சென்று சுமார் 30 நிமிடங்கள் போராடி கிணற்றில் விஷவாயு தாக்கி இறந்த இருவரது உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.
தகவல் அறிந்த சிதம்பரம் உதவி ஆட்சியர் எல்.சுப்பிரமணியன், டிஎஸ்பி ஆர்.ராஜாராம், இன்ஸ்பெக்டர் பி.முருகானந்தம் ஆகியோர் சம்பவ இடத்துக்கு நேரில் சென்று பார்வையிட்டு விசாரணை மேற்கொண்டனர். இதுகுறித்து நகர போலீஸார் வழக்குப் பதிந்துள்ளனர்.விஷவாயு தாக்கி மாமனார், மருமகன் இருவரும் உயிரிழந்த சம்பவத்தால் சிதம்பரம் நகரத்தில் பெரும் பரபரப்பு ஏற்பட்டது.
0 கருத்துகள்:
கருத்துரையிடுக