சிதம்பரம் : கடும் மின்வெட்டைக் கண்டித்தும், நெய்வேலி மின்சாரம் முழுவதையும் தமிழகத்திற்கே வழங்கக் கோரியும் சிதம்பரத்தில் அனைத்துத் தொழில், வணிகம் சார்ந்த அமைப்புகள் சார்பில் பேரணி மற்றும் ஆர்ப்பாட்டம் செவ்வாய்க்கிழமை நடைபெற்றதுசிதம்பரம் தெற்கு சன்னதியில் இருந்து பேரணி புறப்பட்டு முக்கிய வீதிகள் வழியாக உதவி ஆட்சியர் அலுவலகத்தை அடைந்து அங்கு கண்டன ஆர்ப்பாட்டம் நடைபெற்றதுமுன்னறிவிப்பு இல்லாத மின்வெட்டினால் சிதம்பரம் மற்றும் அதனைச் சுற்றியுள்ள பகுதிகளில் இயங்கி வரும் வணிக நிறுவனங்கள், சிறுதொழில் நிறுவனங்கள் கடுமையாகப் பாதிக்கப்பட்டுள்ளன.
எனவே நெய்வேலி அனல் மின்நிலையத்தில் உற்பத்தியாகும் மின்சாரம் முழுவதையும் தமிழகத்துக்கே வழங்குமாறு தமிழக அரசு, மத்திய அரசை வலியுறுத்த வேண்டும். இரவு நேரங்களில் மின்சாரம் நிறுத்தக் கூடாது
மின்வெட்டு முழுமையாக நீங்கும் வரை தாமதக் கட்டணம் வசூலிப்பதை அரசு நிறுத்த வேண்டும். சூரிய ஒளி மின் உற்பத்தி அமைப்புகளை நிறுவிக் கொள்ள அடுக்குமாடி குடியிருப்புகள், தொழில், வணிக நிறுவனங்கள் ஆகியவற்றிற்கு 80 சதவீத மானியம் வழங்க வேண்டும் என வலியுறுத்தி ஆர்ப்பாட்டம் நடைபெற்றது
ஆர்ப்பாட்டத்தின் முடிவில் கோரிக்கைகள் அடங்கிய மனு உதவி ஆட்சியர் எல்.சுப்பிரமணியத்திடம் வழங்கப்பட்டது.
0 கருத்துகள்:
கருத்துரையிடுக