ஞாயிறு, 26 ஆகஸ்ட், 2012

நிலவில் முதன்முதலாக காலடி வைத்த நீல் ஆம்ஸ்டிராங் மரணம்

 Neil Armstrong First Man On The Moon Dies வாஷிங்டன்:நிலவில் முதன் முதலில் கால் பதித்த நீல் ஆம்ஸ்ட்ராங் உடல்நலக்குறைவு காரணமாக அமெரிக்காவில் நேற்று காலமானார்.
எட்வின் அல்ட்ரின், மைக்கேல் கொலின்ஸ் ஆகியோருடன் 1969ம் ஆண்டு அப்பல்லோ 11 என்ற விண்கலத்தை சந்திரனுக்கு அனுப்பி வைத்தது நாசா விண்வெளி ஆய்வு மையம். அந்த விண்கலம் ஜூலை 20ம் தேதி நிலவை அடைந்தது. அதில் இருந்து நீல் ஆம்ஸ்ட்ராங் முதன்முதலாக தனது காலடியை எடுத்து வைத்தார். இதன் மூலம் விண்வெளியில் நடந்த முதல் மனிதர் என்ற பெருமை அவருக்குக் கிடைத்தது. அவரது சாதனை மனித குலத்துக்கே பெருமையை தேடித்தந்தது.
 Neil Armstrong First Man Walk On Moon
நிலவுக்கு சென்றதே அவரது கடைசி விண்வெளிப் பயணமாக இருந்தது. அதன் பின்னர், நாஸா விண்வெளி ஆய்வு மையத்தில் அதிகாரியாக நியமிக்கப்பட்ட ஆம்ஸ்ட்ராங், சின்சினாட்டி பல்கலைக்கழகத்தில் பேராசிரியராகவும் பணியாற்றினார்.
 Who Was Neil Armstrong
மனைவி கரோலினுடன் வாழ்ந்து வந்த ஆம்ஸ்ட்ராங்கிற்கு வயது 82. உடல்நலக் குறைவு காரணமாக அவருக்கு அண்மையில் இருதய அறுவை சிகிச்சை செய்யப்பட்டது. இந்த நிலையில், சிகிச்சை பலனின்றி ஆம்ஸ்ட்ராங் உயிரிழந்தார். அவரது மறைவுக்கு விஞ்ஞானிகள் பலர் இரங்கல் தெரிவித்துள்ளனர்.

0 கருத்துகள்:

கருத்துரையிடுக