செளதாம்ப்டன் (இங்கிலாந்து): ஒரு நாள் கிரிக்கெட் போட்டிகளில், இன்னிங்ஸ் அடிப்படையில், 3000 ரன்களை விரைவாக குவித்தோர் பட்டியலில் முதலிடத்தைப் பிடித்துள்ளார் தென் ஆப்பிரிக்க கிரிக்கெட் வீரர் ஹஷீம் ஆம்லா.செளதாம்ப்டனில் இங்கிலாந்துக்கு எதிராக நடந்த ஒரு நாள் போட்டியில் ஹஷீம் ஆம்லா 150 ரன்களைக் குவித்து இந்த சாதனையைப் படைத்தார் ஆம்லா. இப்போட்டியில் தென் ஆப்பிரிக்க அணி, இங்கிலாந்தை 80 ரன் வித்தியாசத்தில் வீழ்த்தியது.
57 இன்னிங்ஸ்களில் 3000 ரன்களைக் கடந்துள்ளார் ஆம்லா. அதன்படி, குறைந்த இன்னிங்ஸ்களில் 3000 ரன்களைக் கடந்தோர் வரிசையில் முதலிடம் கிடைத்துள்ளது ஆம்லாவுக்கு.
இதுவரை இப்பட்டியலில் மேற்கு இந்திய வீரர் விவியன் ரிச்சர்ட்ஸ்தான் இருந்து வந்தார். அவர் 69 இன்னிங்ஸ்களில் 3000 ரன்களைக் கடந்திருந்தார். அதை தற்போது அபாரமாக முறியடித்துள்ளார் ஆம்லா.
தற்போது குறைந்த இன்னிங்ஸ்களில் 3000 ரன்களைக் குவித்த முதல் 10 வீரர்களில் ஆம்லாவையும் சேர்த்து 3 தென் ஆப்பிரிக்க வீரர்கள் இடம் பெற்றுள்ளனர். அதில் தென் ஆப்பிரிக்க அணியின் தற்போதைய பயிற்சியாளர் கேரி கிர்ஸ்டனும் ஒருவர் என்பது குறிப்பிடத்தக்கது.
இந்தப் பட்டியலில் இந்திய வீரர்கள் விராத் கோஹ்லியும், சித்துவும் கூட இடம் பெற்றுள்ளனர்








0 கருத்துகள்:
கருத்துரையிடுக